80 வயது முதியவரின் உடலைச் சுமந்து மலை இறங்கிய கர்நாடகா காவல்துறை

Karnataka cops carry a dead body down a hill as locals deny refusing help

கர்நாடக மாநிலம் தக்சினா கன்னடா பகுதியில் இருக்கும் கொய்லா மலை கிராமத்தில் தைவா நேமா(Daiva Nema) என்ற இறை வழிபாட்டுச் சடங்கு  கடந்த சனிக்கிழமை அன்று அனுசரிக்கப்பட்டது. அப்போது அதே கிராமத்தை சேர்ந்த அசலப்பா என்ற 80 வயது முதியவர் இறந்து போனதை சக கிராமத்தினர் கண்டுள்ளனர். ஆனால் அந்தக் கிராமத்தின் நம்பிக்கையின் படி தைவா நேமா வழிபாட்டின் போது இறந்தவர்களின் உடலைப் பார்த்தால் கடவுளின் கோபத்துக்கு ஆளாக நேரிடுவதாகும். மேலும் இறந்தவர்களின் உடலைத் தொடுவதும் கூட அமங்கலமாகும். இதனால் அசலப்பா இறந்து ஆறு மணி நேரத்திற்கும் மேலாக அவரது உடல் கண்டுகொள்ளப்படாமலேயே இருந்துள்ளது.

கடமை தவறாத  காவல்துறை

இந்த நிலையில் கன்னடா டெய்லி பத்திரிக்கையைச் சேர்ந்த நிருபர் பாலகிருஷ்ணா இந்நிகழ்வைப் பற்றி உள்ளூர் காவல்துறைக்கு தகவல் தெரிவித்து இருக்கிறார். துணை ஆய்வாளர் பிரகாஷ் மற்றும் உதவி துணை ஆய்வாளர் ரவி ஆகியோர் சம்பவ இடத்திற்கு உடனடியாக விரைந்தனர். ஆரம்பத்தில் அசலாப்பாவின் உடலை அப்புறப்படுத்த சக கிராம மக்களிடம் உதவிக் கேட்டது காவல் துறை. ஆனால் தைவா நேமா வழிபாட்டின் போது துக்க நிகழ்வுகளில் கலந்து கொள்வது என்பது தங்களுக்கும் தங்கள் குடும்பத்தினருக்கும் கேடு விளைவிக்கும் என்று கிராம மக்கள் காவல் துறையினரின் கோரிக்கையை நிராகரித்து விட்டனர்.

களத்தில் இறங்கிய காவல்துறை

கிராம மக்களிடம் நடத்திய பேச்சு வார்த்தையில் எந்த முன்னேற்றமும் இல்லாத காரணத்தால் காவல் துறை அசலப்பாவின் உடலை தாங்களே அப்புறப்படுத்துவது என்று முடிவு எடுத்தனர். இதனைத் தொடர்ந்து மலை அடிவாரத்தில் இருக்கும் அசலப்பாவின் மகன் ரவியின் வீட்டுக்குச் சடலத்தை கொண்டு செல்ல முடிவெடுத்தனர். இதைத் தொடர்ந்து களத்தில் இறங்கிய துணை ஆய்வாளர் பிரகாஷ் ,அவரது வீட்டுக் காவலர் சந்தேஷ் மற்றும் உதவி துணை ஆய்வாளர் ஆகியோர் அசலப்பாவின் மகன் ரவியின் உதவியோடு சடலத்தை மலையில் இருந்து கீழே கொண்டு வந்து சேர்த்தனர்.

‘செங்குத்தான இந்த மலையில் வண்டி வாகனங்களோ அல்லது ஆம்புலன்ஸோ வரச் சாத்தியமில்லை. ஏனென்றால் இந்த நிலப்பரப்பு சீரற்றது. ஆகவே உடலை நாங்களே தோளில் சுமந்து கீழே கொண்டு வர முடிவு செய்தோம். உடலை ஒரு மர பெஞ்சில் வைத்து, அதன் மீது ஒரு துணியால் மூடினோம், அதை வலுவான கயிறு கொண்டு பிணைத்து கீழே கொண்டு வந்தோம்’ என்கிறார் உதவி துணை ஆய்வாளர் ரவி.

இருப்பினும் அசலப்பாவின் மரணம் இயற்கையானதுதானா என்ற கோணத்திலும் காவல் துறை விசாரித்து வருகிறது. அசலாப்பாவின் மரணத்தை இயற்கைக்கு மாறான மரணம் என்றே காவல் துறை வழக்குப் பதிவு செய்திருக்கிறது. அசலப்பாவின் மகன் ரவி சாதி மீறி திருமணம் செய்து கொண்டதால் அவர்களது குடும்பம் கிராமத்தினரால் ஒதுக்கி வைக்க வைக்கப்பட்டிருந்ததாகத் தெரிகிறது.

காவல் துறையின் மனித நேயம் மிக்க இந்த நடவடிக்கைக்கு தக்சினா கன்னடா காவல்துறை கண்காணிப்பாளர் பி.ஆர்.ரவிகாந்தே கவுடா பரிசும் பாராட்டும் வழங்கியிருக்கிறார்.

Related Articles

தென்னாப்பிரிக்க மண்ணில் அதிக விக்கெட்டுக... தென்னாப்பிரிக்க மண்ணில் இதுவரை 7 ஒருநாளில் போட்டிகளில் 12 விக்கெட்டுகள் வீழ்த்தியதே தனியொரு சுழற்பந்து வீச்சாளரின் அதிகபட்ச சாதனையாக இருந்து வந்தது. அ...
165 தமிழர்கள் என்ன ஆனார்கள்? ஒட்டுமொத்த ... தமிழர்களுக்கு மட்டும் ஏன் இந்த நிலை? பல்வேறு நாடுகளில் தமிழர்கள், தமிழ் வம்சாவளிகள் முக்கிய பதவியில் இருந்தாலும் அந்நாடுகளில் வாழும் சாமான்யனின் நிலை...
பெட்ரோல் திருடச் சுரங்கம் தோண்டிய கொள்ளை... தென்மேற்கு டெல்லி, கக்ரோலா என்னும் இடத்தில் அமைந்திருக்கும் குடியிருப்பு பகுதியில், கடந்த செவ்வாய் கிழமை நடந்த சம்பவம் பலரையும் அதிர்ச்சியில் ஆழ்த்தி...
சிரியா போரில் இறந்துபோன பிஞ்சு உயிர்களுக... இயக்குநர் பா.ரஞ்சித் தயாரிப்பில் இயக்குநர் மாரி செல்வராஜ் இயக்கத்தில் உருவாகியிருக்கும் படம் பரியேறும் பெருமாள். அந்தப் படத்தில் இடம்பெற்றிருக்கும் "...

Be the first to comment on "80 வயது முதியவரின் உடலைச் சுமந்து மலை இறங்கிய கர்நாடகா காவல்துறை"

Leave a comment

Your email address will not be published.


*