கடந்த ஆண்டு மோடியின் வாழ்க்கை வரலாறு புத்தகம் அமெரிக்காவில் வெளியிடப்பட்டது. அப்போதே அதுபற்றி பல விமர்சனங்கள் எழுந்தன. அதைப் போலவே சமீபத்தில் தமிழகத்தின் தற்போதைய முதல்வர் பதவி வகிக்கும் எடப்பாடி பழனிச்சாமியின் வாழ்க்கை வரலாறு புத்தகம் வெளியிடப்பட்டது. அதைப் பற்றியும் சமூகவலைத் தளங்களில் பல்வேறு கருத்துக்கள் வெளியிடப்பட்டது. இந்நிலையில் நரேந்திர மோடியின் வாழ்க்கை வரலாறு சினிமாவாக உருவாகிறது என்ற செய்தி நெட்டிசன்களுக்கு நல்ல தீனியாக அமைந்து உள்ளது.
கடந்த சில தினங்களுக்கு முன்பு, ஆந்திர முன்னாழ் முதல்வரின் வாழ்க்கை வரலாறும் கர்நாடக முன்னாள் முதல்வரின் வாழ்க்கை வரலாறும் சினிமாவாக உருவாக இருக்கிறது என்ற செய்தி வந்தது. அதே போல நமது பிரதமரின் வாழ்க்கை வரலாற்றுப் படத்தில் மோடியாக பரேஷ் ராவல் நடிக்க உள்ளார். இவர் நடிகர் மட்டுமல்லாமல் பாஜக எம்பியும் கூட என்பது கவனிக்கத்தக்கது.
சமீபத்தில் திரைக்கு வந்த குத்துச்சண்டை வீராங்கனை மேரிகோம்மின் வாழ்க்கை வரலாறு படம், தடகள வீரர் பறக்கும் சீக்கியர் மில்கா சிங்கின் வாழ்க்கை வரலாற்றுப் படம், சச்சினின் வாழ்க்கை வரலாறு படம், தோனியின் வாழ்க்கை வரலாறு படம் போல் சவுரவ் கங்குலியின் வாழ்க்கை வரலாற்றுப் படமும் விரைவில் வெளியாக இருக்கிறது.
Be the first to comment on "மோடியின் வாழ்க்கை வரலாறு திரைப்படமாக உருவாக இருக்கிறது!"