மேற்கு ஜனக்புரி மெட்ரோ ரயில் நிலையத்தில் ஐந்து மாடிக் கட்டிட அளவுக்கு அமைக்கப்பட்டிருக்கும் நகரும் படிக்கட்டுகள் (Escalator)

நகரும் படிக்கட்டுகளில் நாட்டின் மிக உயரமானதாக தற்போது வரை இருந்து வருவது மும்பை விமான நிலையத்தின் இரண்டாவது முனையத்தில் அமைந்திருக்கிறது. அதன் உயரம் 11 . 6 மீட்டர்கள் ஆகும். இந்த உயரத்தை விடக் கூடுதலாக அமைய இருக்கிறது மேற்கு ஜனக்புரி மெட்ரோ நிலையத்தில் அமைய இருக்கும் நகரும் படிக்கட்டுகள். அதன் உயரம் 15 . 6 மீட்டர்களாக இருக்கும் எனக் கணக்கிடப்பட்டுள்ளது.

டெல்லி மெட்ரோ ரயில் கார்ப்பரேஷன் சார்பாகப் பேசிய அதன் செய்தி தொடர்பாளர் இது குறித்து பேசும் போது ‘ஜனக்புரி மெட்ரோ நிலையத்தில் அமைந்திருப்பவை நாட்டின் மிக உயரமான நகரும் படிக்கட்டுகள். இதன் மொத்தம் கிடைமட்ட நீளம் 35 . 3 மீட்டார்கள் ஆகும். உயரம் 15 . 6 மீட்டர்கள் ஆகும். இதன் மொத்த எடை 26 டன் ஆகும். இந்த நகரும் படிக்கட்டுகளின் உயரத்தை ஐந்து மாடிக் கட்டிடத்தின் உயரத்தோடு ஒப்பிடலாம்.’ என்று தெரிவித்தார்.

‘இந்த நகரும் படிக்கட்டுகளை பொருத்துவது மிகக் கடினமான காரியமாக இருந்தது. 250 டன் கிரேன் ஒன்றை நிறுவி அதன் மூலம் இந்தப் படிக்கட்டுகளை நிறுவினோம்’ என்று மேலும் அவர் தெரிவித்தார்.

ப்ளூ லைனில் (துவாரகா துறை 21-நொய்டா சிட்டி சென்டர் / வைஷாலி)  மட்டும் இயங்கிக் கொண்டிருந்த ஜனக்புரி மேற்கு மெட்ரோ நிலையத்தை தற்போது பல வழித் தடங்களுக்கு இயங்கும் வகையில்  மாற்றியமைக்கப்பட்டுள்ளது. இது மின்தெட்டா கோட்டையோடு (ஜனக்புரி மேற்கு-பொட்டானிக்கல் கார்டன்) விரைவில் இணைக்கப்படும். இந்திரா காந்தி சர்வதேச விமான நிலையத்தின் முனிகா, ஹவுஸ் காஸ், நேரு பிளேஸ் மற்றும் பொட்டானிக்கல் கார்டன் (நொய்டா) போன்ற முக்கிய இடங்களோடு இந்த மெட்ரோ நிலையத்தின் மூலம் மேற்கு தில்லி இணைந்துள்ளது.

15000 பயணிகள் தற்போது இந்த மேற்கு ஜனக்புரி ரயில் நிலையத்தைப் பயன்படுத்தி வருகிறார்கள், பயணிகளின் எண்ணிக்கை 53700 வரை அதிகரிக்கும் என்று டெல்லி   மெட்ரோ ரயில் கார்ப்பரேஷன் வல்லுநர்கள் எதிர்பார்க்கிறார்கள்.

 

 

உலகின் மிக உயரமான மெட்ரோ நகரும் படிக்கட்டுகள்

செயிண்ட் பீட்டர்ஸ்பேர்கில் இருக்கும் மூன்று மெட்ரோ ரயில் நிலையங்களில் அமைந்துள்ள நகரும் படிக்கட்டுகளின் உயரம் 64 மீட்டர்கள்.

மாஸ்கோவில் இருக்கும் பார்க் பொபெடி மெட்ரோ நிலையத்தில் அமைந்துள்ள நகரும் படிக்கட்டுகளின் உயரம் 27 மீட்டர்கள்.

பாங்காக் மெட்ரோ ரயில் நிலையத்தின் நகரும் படிக்கட்டுகளின் உயரம் 21 . 5 மீட்டர்கள்.

Related Articles

நான்கு மாதங்கள் கோமாவில் இருந்த பெண், பா... இசை ஒரு சிகிச்சை சக்தி என்பதை வாழ்வின் பல தருணங்களில் நாம் உணர்ந்தே வந்திருப்போம். நம்மை அழவைப்பது முதல் தூங்கவைப்பது வரை இசை நம்மை தன்வயப்படுத்தி இரு...
அபராத தொகையை இனி ஆன்லைன் கட்டணமாக மட்டும... வெளிப்படைத்தன்மையை உறுதி செய்யவும், லஞ்சத்தை ஒழிக்கவும் இனி போக்குவரத்து காவலர்களிடம் செலுத்த வேண்டிய அபராத தொகையை ஆன்லைன் கட்டணமாக மட்டுமே செலுத்த மு...
செல்போன் டவரால் சிட்டுக்குருவிகள் அழிந்த... கடந்த சில வருடங்களாக மார்ச் 20ம் தேதி உலக சிட்டுக்குருவிகள் தினம் கொண்டாடப்பட்டு வருகிறது.  செல்போன் டவர்கள் ஊரெங்கும் முளைக்கத் தொடங்கிய காலத்தில் செ...
இந்த உலகத்திற்குப் புதிதாக வரும் குழந்தை... முதலில் குழந்தைகளின் பிறப்பை மிக உணர்ச்சி பூர்வமாக அழகாக காட்டிய தமிழ் சினிமாக்களை படைப்புகளைப் பற்றிப் பார்ப்போம்.  எம். எஸ். தோனி:  மகேந்திர சிங் ...

Be the first to comment on "மேற்கு ஜனக்புரி மெட்ரோ ரயில் நிலையத்தில் ஐந்து மாடிக் கட்டிட அளவுக்கு அமைக்கப்பட்டிருக்கும் நகரும் படிக்கட்டுகள் (Escalator)"

Leave a comment

Your email address will not be published.


*