பொறாந்தோமா நல்லதுக்காக நாலு பேர பொளந்தமானு இருக்கனும் – தேவராட்டம் விமர்சனம்

Devarattam Movie review

பாசமான ஒரு நபரை இழத்தலும் அதற்கு வில்லனை சண்டியர் நாயகன் பழிவாங்குதலும் என்பதுதான் முத்தையா படங்களின் மையக்கதை.  தாய்ப்பாசம், மாமனார் பாசம், பாட்டி பாசம் வரிசையில் அக்கா பாசம்.

வினோதினிக்கு அழகு குட்டி செல்லம் படத்தை அடுத்து தேவராட்டம் படம் பெயர் சொல்லும் படமாக அமையும் என்பது உறுதி. சூரிக்கு வழக்கம் போல முக்கியமான கதாபாத்திரத்தை தந்துள்ளார் இயக்குனர். ஒரு சில இடங்களில் சிரிக்க வைக்கும் சூரி ஒரு சில இடங்களில் நாயகனாக தெரிகிறார்.

சே குவேரா மற்றும் பாரதியார் உருவங்கள் பதித்த  டீசர்ட் போட்டுக்கொண்டு நாயகன் நாயகியின் பின்னால் ஆடிப்பாடும் காதல் பாட்டு சகிக்கவில்லை. மஞ்சிமா மோகனின் கதாபாத்திரத்தை இன்னும்கொஞ்சம் வலிமையாகப் படைத்திருக்கலாம். அடுத்தடுத்து இதுதான் நடக்கப் போகிறது என்று எளிதில் யூகிக்க கூடிய வகையில் திரைக்கதை அமைத்தது பலவீனமாக அமைந்துள்ளது. பிரிட்ஜ திறந்து தண்ணி எடு என்றதும் ரசிகர்கள் இதுதான் கிளைமேக்ஸ் என்பதை எளிதில் தெரிந்துகொண்டனர். ஒருசில வசனங்கள் தேவையில்லாத இடங்களில் இடம்பெற்றிருப்பது படத்தின் இன்னொரு பலவீனம்.

தறிகெட்டு கிடக்கற நாட்ட சரிசெய்ய அடிக்கனும் இல்லனா உடைக்கனும்…

எதுத்து பேசுறது முக்கியமல்லடா அத எவன்கெட்ட பேசுறோங்கறது தான் முக்கியம்…

இங்க நல்லவனும் நடக்க முடியாது நல்லவனாவும் நடக்க முடியாது…

கண்டவுடன் காதல் செய்றது தப்பு இல்ல… கண்டவன காதல் செய்றதுதான் தப்பு…

கண்ணகிக்கு பொறந்தவன் தான் இருக்கனும் காந்தாவுக்குப் பொறந்தவன்லா இருக்க கூடாது…

இந்த உலகத்துல பொறக்கறது ஈஸி… பொழைக்கறது கஷ்டம்…

இந்தப் பன்னிக்குட்டிய பெத்ததுக்கு பத்து நிமிசம் தள்ளிப் படுத்துருக்கலாம்…

போன்ற வசனங்கள் கைதட்டல் பெற்றன.

மதுரையை அறக்கப்பறக்க காட்டியுள்ளது ஒளிப்பதிவு. பின்னணி இசை ஒரு சில இடங்களில் காதை கிழிக்கிறது. பாடல்கள் அனைத்தும் சுமார் ரகமே.

இந்தப் படம் எந்த சமூகத்தையும் குறிப்பிடவில்லை என்ற அறிவிப்பு வந்தாலும் படம் எந்த சாதியை தூக்கிப் பிடித்து காண்பித்துள்ளது என்பதை மறுக்க முடியாது.

பெண்களுக்கு பாதுகாப்பாக இருக்க தான் ஆண்களின் வீரம் பயன்பட வேண்டுமே தவிர பெண்களை பலாத்காரம் செய்ய அல்ல. மீறுபவர்கள் கருவறுக்கப்பட வேண்டியவர்கள் என்று கருத்து கூறி நம்மை வழியனுப்பி வைக்கிறார் முத்தையா.

 

Related Articles

எப்படி வீட்டிலிருந்து இணையதளம் மூலமாக லட... 1. EARNABLYநீங்கள் இந்த இணையதளத்தை பற்றி கேள்விப் பட்டிருக்கிறீர்களா அல்லது இல்லையா என்று எனக்கு தெரியவில்லை. இந்த இணையதளம் ஒரு அமெரிக்கா நாட்டினர...
எம்எல்ஏக்கள் என்ன விலை? வாக்களித்தவனுக்க... பக்கத்து மாநிலமான கர்நாடக அரசியலில் டுவிஸ்ட் மேல் டுவிஸ்ட் நடந்து கொண்டிருக்கிறது. கடையை விரிக்கப் போவது நீயா இல்லை நானா என்று போட்டி போட்டு கூட்டல் க...
திருச்செங்கோடு அர்த்தநாரீஸ்வரர் பற்றிய ச... திருச்செங்கோடு அர்த்த நாரீஸ்வரர் :தமிழ்நாட்டில் உள்ள பாடல் பெற்ற தலங்களில் ஒன்றாக விளங்குவது திருச்செங்கோடு அர்த்தநாரீஸ்வரர் தலம் ஆகும். திரு...
ஹர்பஜனுக்கு தமிழ் கற்றுக்கொடுக்கும் சின்... கடந்த சில நாட்களாகவே சுழற்பந்து வீச்சாளர் ஹர்பஜன் சிங் தமிழில் டுவீட் செய்து வருகிறார். அவருடைய தமிழ் ஆர்வத்தை வைத்தும் லொள்ளு நெட்டிசன்கள் மீம் போட ...

Be the first to comment on "பொறாந்தோமா நல்லதுக்காக நாலு பேர பொளந்தமானு இருக்கனும் – தேவராட்டம் விமர்சனம்"

Leave a comment

Your email address will not be published.


*