தியேட்டர் கிடைக்காததால் இணையத்தில் வெளியாகிறது பரியேறும் பெருமாள் கதிரின் சிகை!

Pariyerum perumal fame kathir's movie Sigai to be released in the web due to lack of theatre.

வருகிற 10 ம் தேதி ரஜினியின் பேட்ட மற்றும் அஜீத்தின் விஸ்வாசம் ஆகிய இரண்டு படங்கள் ரிலீஸ் ஆவது நமக்கு தெரிந்த விஷியமே. இப்போது அந்தப் படங்களுடன் சேர்த்து கதிரின் சிகை படமும் ரிலீஸ் ஆக உள்ளது. ஆனால் தியேட்டரில் அல்ல… இணையத்தில்… ZEE5 என்ற ஆப் வழியாக ரிலீஸ் ஆகிறது.

மதயானைக் கூட்டம், கிருமி, விக்ரம் வேதா, பரியேறும் பெருமாள் உள்ளிட்ட படங்களில் நடித்தவர் கதிர். இளம் வயதிலயே நல்ல நல்ல கதைகளை தேர்ந்து எடுத்து நடிக்கும் நடிகர். அட்லி மற்றும் விஜய் இணையும் படத்தில் முக்கிய கதாபாத்திரத்தில் கதிர் நடிக்க இருக்கிறார் என்பது குறிப்பிடத் தக்கது.

இந்நிலையில் இந்தாண்டு தொடக்கமே கதிரின் நடிப்பில் உருவான சிகை திரைப்படம் வெளிவர இருக்கிறது. திருநங்கை கதாபாத்திரத்தில் நடித்திருக்கும் படத்தின் டீசர் ட்ரெய்லர் பல மாதங்களுக்கு முன்பே ரிலீஸ் ஆகி இருந்தது என்றாலும் திரைக்கு வருவதற்கு உரிய நேரம் அமையாமல் தள்ளிச் சென்று கொண்டே இருந்தது. இந்த ஆண்டு துவக்கமே இந்தப் படத்திற்கு விடிவு காலம் பிறந்துள்ளது.

தியேட்டர் பிரச்சினை :

பேட்ட , விஸ்வாசம் இரண்டு படங்களுமே தமிழகத்தின் பெரும்பாலான தியேட்டர்களை கை பற்றிக் கொள்ள மிஞ்சிய தியேட்டர்கள் மட்டுமே சிகைக்கு ஒதுக்கப் பட்டுள்ளது. பெனாயில் வாடை வீசும் கொசுக்கள் நிறைந்த நாற்காலிகள் உடைந்த போன தியேட்டர்கள் தான் இந்தப் படத்தை திரையிட போகிறது. பேட்ட, விஸ்வாசம் இரண்டும் கமர்சியல் படங்கள் என்பதால் தீவிர சினிமா ரசிகர்களுக்கு சிகை போன்ற வித்தியாசமான கதைக்களம் உடைய படம் பிடித்துப் போவதற்கு வாய்ப்பு இருக்கிறது. நற்பெயரை சம்பாதித்து நாளடைவில் தியேட்டர்களை கைபற்றவும் அதிக வாய்ப்பு உண்டு.

இப்படி ஆரம்ப காலத்தில் பேச்சு அடிபட்டது. ஆனால் படம் தியேட்டருக்கு வரப் போவதில்லை. நேரடியாகவே இணையத்தில் வெளியாகிறது. இனி இது போன்ற சின்ன படங்கள் எல்லாம் தியேட்டரில் ரிலீஸ் ஆவது சந்தேகம் தான்! இருந்தாலும் இது நல்லதொரு மாற்று வழி என்கிறது சினிமா வட்டாரம்!

Related Articles

” உண்மைக்கு என்ன விலை வேணாலும் கொட... தயாரிப்பு : நாடோடிகள் பிக்சர்ஸ் தயாரிப்பாளர்கள் : Dr. பிரபு திலக், பி. சமுத்திரக்கனி எழுத்து இயக்கம் : எம் அன்பழகன்ஒளிப்பதிவு : அ. ராசாமதி...
பல விருதுகள் வென்ற மூடர்கூடம் பட வசனங்கள... * வாழ்க்கையோட பெரும்பாலான விடியல் வழக்கமானதாவே இருக்கு... முழிச்சோம், குளிச்சோம், சாப்டோம், உழைச்சோம், உறங்குனோம்னு சக்கரம் சுத்திட்டு இருக்கு... இந்த...
ஜோதிடம் நம் வாழ்க்கையில் எந்த மாதிரியான ... உலகம் எவ்வளவு வேகமாக இயங்கினாலும் எவ்வளவு வேகமாக மாறினாலும் விஞ்ஞானம் எவ்வளவோ தொழில்நுட்பங்களைக் கொண்டு வந்தாலும் எல்லாமே இயந்திர செயல்பாடுகள் என்று ம...
அஞ்சிறைத் தும்பி – உங்களை தீவிர சி... ஆனந்த விகடன் இதழில் 50க்கும் மேற்பட்ட குறுங்கதை தொடராக வந்த தொகுப்புதான் அஞ்சிறைத் தும்பி. இந்த குறுங்குகதை தொடரில் உள்ள ஒவ்வொரு குறுங்கதையும் புதுவித...

Be the first to comment on "தியேட்டர் கிடைக்காததால் இணையத்தில் வெளியாகிறது பரியேறும் பெருமாள் கதிரின் சிகை!"

Leave a comment

Your email address will not be published.


*