நீட் தேர்வில் நல்ல சதவீதம் பெற்ற உத்திரபிரதேச மாநில அரசு மருத்துவமனைகளில் தொடருது உயிர்பலி!

இந்த ஆண்டு நீட் தேர்வில் நல்ல சதவீதம் பெற்ற மாநிலமான உத்திரபிரதேசத்தைக் கண்டு வியக்காத ஆட்கள் இல்லை. ” போயும் போயும் இந்த மாநிலம் எப்படிடா நீட் தேர்வுல இப்படி பட்டைய கிளப்பிருக்காங்க… அதுலயும் இவனுங்க மாநிலத்துல கிட்டத்தட்ட நூத்தம்பைது பள்ளிக்கூடத்துல ஒரு பசங்கக் கூட பாஸ் ஆகவே இல்லையாம்… அப்படி இருக்க இவனுங்க எப்படி நீட் தேர்வுல ச்சை…” என்பது போல உத்திரபிரதேச ஆட்சியைப் பற்றி ஒட்டுமொத்த இந்தியாவுமே பல்வேறு மொழிகளில் கழுவி ஊத்துகிறது.

 

கடந்த ஆண்டு உத்திரபிரதேச மாநிலத்தில் உள்ள அரசு மருத்துவமனைகளில் ஆக்சிஜன் சிலிண்டர்களில் ஏற்பட்ட பழுதால், பற்றாக்குறையால் எத்தனை குழந்தைகள் உயிர் இழந்தார்கள் என்பது நாம் அனைவரும் அறிந்ததே. அப்போது அந்த அரசு எவ்வளவு “விரைந்து செயல்பட்டது” என்பதும் நாம் அனைவரும் அறிந்ததே. இதைத் தொடர்ந்து இது போன்ற உயிரிழப்புகள் ஏதும் நடந்திடாத வண்ணம் பாதுகாப்பு நடவடிக்கைகள் பல எடுத்திருக்கும் என்று எண்ணி இருந்தால் அது சுத்த மூடத்தனம். காரணம், தற்போது உத்திரபிரதேச மாநிலத்தில் உள்ள கான்பூரில் உள்ள ஒரு அரசு மருத்துவமனையில் உள்ள ஐசியு வார்டில் ஏசி பழுது ஆனதால் நான்கு நோயாளிகள் உயிரிழந்து உள்ளனர். இதனை அறிந்த நோயாளிகளின் உறவினர்கள் உடலை வாங்க மாட்டோம் எனவும், மருத்துவமனை நிர்வாகம் மீது வழக்குத் தொடுக்க வழக்கம் போல மருத்துவமனை அரசியல் நடந்து கொண்டிருக்கிறது.

 

அந்த நான்கு பேரில் இரண்டு பேர் மாரடைப்பால் உயிர் இழந்ததாகவும், மீதி இரண்டு பேர் நோயின் தீவிரவாதத்தாலும் உயிர் இழந்ததாகவும் கூறி திசை திருப்பி நாடகம் அரங்கேற்றிக் கொண்டிருக்கிறார் மருத்துவமனை முதல்வர் நவ்னித் குமார். உத்திரபிரதேசம், பீகார் போன்ற மாநிலங்களில் உள்ள மருத்துவமனைகளில் இது போன்று ஏசி பழுது, ஆக்சிஜன் சிலிண்டர் பழுது, ஆம்புலன்ஸ் பற்றாக்குறை எனப் பலக்குறைபாடுகள் மருத்துவத் துறையில் உள்ளது. ஆம்புலன்ஸ் வசதி இல்லாததால் எட்டு கிலோமீட்டருக்கு தாயின் இறந்த உடலை தோளில் சுமந்தபடி நடந்தே செல்லும் அவலம் இன்றும் தொடர்ந்துகொண்டே இருக்கிறது. இந்நிலையில் இந்த மாநிலங்கள் நீட் தேர்வில் முன்னணியில் இருப்பது எப்படித்தானோ? புரியாத புதிராக உள்ளது.

இது போன்ற தகுதி இல்லாத மருத்துவர்களை அலட்சியமான மருத்துவர்களை உருவாக்குகிறதா இந்த நீட் தேர்வு. நீட் தேர்வு எழுதாத மாணவர்கள் எல்லாம் தேர்ச்சி பெற்று மருத்துவர் ஆக இருக்கிறார்கள். நீட் தமிழ் கேள்வித்தாளில் ஏகப்பட்ட பிழைகள் இருந்ததால் அதனால் எத்தனை குழப்பம் அடைந்து எத்தனை மாணவ மாணவிகள் பாதிக்கப்பட்டிருப்பார்கள்.

Related Articles

ஹரியானா மாநிலத்தில் ஒரு பியூன் பணிக்கு 1... தமிழ்நாட்டில் ஒரு அரசுப்பணிக்கு நூற்றுக்கணக்கான நபர்கள் போட்டி போட்டுகொண்டிருக்கிறார்கள். அதிலும் எட்டாம் வகுப்பு, பத்தாம் வகுப்பு தகுதியுள்ள கால்நடை ...
பெண்களின் பேராதரவுடன் நேர்கொண்ட பார்வை! ... அஜித் என்ட்ரி ரொம்ப சிம்பிளாக இருக்கிறது. ஆனால் ஒவ்வொரு முறையும் அஜித் திரையில் வரும்போது விசில் சத்தம் காதை கிழிக்கிறது. கை நடுங்கிக்கொண்டே காபி ...
இசைக்குத் தாய்ப்பாலு நாதஸ்வரம்! – ... 2018ம் ஆண்டு சாகித்திய அகாடமி விருது பெற்றது எழுத்தாளர் ராமகிருஷ்ணன் எழுதிய சஞ்சாரம் நாவல். இந்த வருட சென்னை புத்தக கண்காட்சியில் அந்தப் புத்தகம் அதிக...
தண்ணீர் பஞ்சத்திற்கு மூன்று ஆண்டுகளாகப் ... மத்திய பிரதேசம் டிகாம்கர் பகுதியில் அமைந்திருக்கும் கிராமம் கடந்த மூன்று ஆண்டுகளாகத் தண்ணீர் பஞ்சத்தில் சிக்கி தவித்து வருகிறது. அதிலும் அந்தக் கிராமத...

Be the first to comment on "நீட் தேர்வில் நல்ல சதவீதம் பெற்ற உத்திரபிரதேச மாநில அரசு மருத்துவமனைகளில் தொடருது உயிர்பலி!"

Leave a comment

Your email address will not be published.


*