சின்ன பசங்க ஓட்டு சீமானுக்குத் தான்! – நாம் தமிழர் கட்சியின் வளர்ச்சி!

நாம் தமிழர் இயக்கமாக இருந்து இன்று நாம் தமிழர் கட்சியாக வளர்ந்துள்ளது சீமானின் கட்சி.

பறையன் சீமான் :

கிடைக்கின்ற மேடைகளிலும் இயக்குகின்ற நடிக்கின்ற சினிமாவிலும் சமூக அவலங்களை சுட்டிக்காட்டி உண்மையை உரக்கப் பேச ஆரம்பித்தார். உடனே அவருடேய சாதியை தேட ஆரம்பித்தார்கள். பறையன் சீமான் என்று ஜாதி முத்திரை குத்தினார்கள். பிரபாகரன் பெயரை சொல்லி சொல்லியே அரசியல் பன்றான், அடுத்தவன் பேரை சொல்லி பொழைப்பு நடத்துறான், கிறுக்கனாட்டம் தமிழ்க்கடவுள் முருகன முப்பாட்டங்கறான், கப்பல்ல 60000 யானைங்கறான் என்று சீமானை விமர்சனம் செய்தார்கள்.

பிரபாகரனை சந்தித்ததும் பொய் அவருடன் ஆமைக்கறி சாப்பிட்டதாக கூறுவதும் பொய் என்று மழுப்பினார்கள். அத்தனை விமர்சனங்களையும் சந்தித்தவர். இன்று இளைஞர்களின் மனதை வென்றுள்ளார். நம்பிக்கையை பெற்றுள்ளார்.

“இந்தப் பசங்க எல்லாம் சீமானுக்கு தான் ஓட்டு போட்டுட்டு வரானுங்க… இந்த வருசம் சின்ன பசங்க ஓட்டு பூரா சீமானுக்குத் தான்… போன தடவையை காட்டிலும் இந்த தடவை இளைஞர்கள் ஓட்டு அதிகம்… அதுவும் சீமானுக்கு ஓட்டுப் போட்ட பசங்க அதிகம்… எப்டியும் எதாவது ஒரு இடத்துலயாவது ஜெயிச்சுப்புடுவாப்டி… ” என்று மக்கள் பேசிக்கொள்கின்றனர்.

இணையத்தில் கெத்து :

சமூக வலைதளங்கள் உபயோகிக்கும் பலர் சீமான் கட்சிக்கு ஆதரவு தருபவர்களாக இருக்கிறார்கள். அதனாலயே இணையத்தில் நாம் தமிழர் கட்சியின் செயல்பாடு வீரியமாக இருக்கிறது. மற்ற எந்தக் கட்சியும் பெற்றிடாத அளவுக்கு ஆதரவைப் பெற்றுள்ளது சீமான் கட்சி.