கப்பலில் 60000 யானைகளை ஏத்திட்டு போய் போர் செஞ்சாங்க என் முன்னோர்கள்! – இது பொய் அல்ல உண்மை!

Actor Politician Seeman

கப்பலில் 60000 யானைகளை ஏத்திட்டு போய் போர் செஞ்சாங்க என் முன்னோர்கள் என்று சீமான் சமீபத்தில் சொன்னதை அடுத்து அது எப்படி வாத்தியாரே அறுபதாயிரம் யானையைக் கொண்டு போயிருக்க முடியும், சீமான் வர வர புழுக ஆரம்பிச்சிட்டாரு… என்று பலவிதமாக கலாய்த்து வருகிறார்கள் நெட்டிசன்கள்.

நெட்டிசன்களின் கலாய்கள்:

  1. அடேய் …. யானைக்கு பதிலா எலின்னு சொன்ன கூட நான் நம்பி இருப்பேன் ….
நார்னியா படத்துல எலி படை இருக்கு . ஆனா அவன் கூட இந்த அளவுக்கு ரீல் விடலடா சாமீ .... 
  1. அடுத்த படம் ரிலீஸ்….
#சைமனும்_60000ஆனைகளும்....
ஆமைக்கறியன் பொய் சொல்றதுன்னு முடிவான பின் வேற என்னத்த சொல்ல....
  1. 60000 பானையாக இருக்கும் தல மத்திய சொல்லிடாப்ல…
  2. வாயால வடை சுடுவது மாதிரி, அண்ணன் வாயாலேயே கம்பு சுற்றுவார்….
  3. முன்னாள் பாரத பிரதமர் வாஜ்பாய் அவசர அறிக்கை:

எனக்கும் சீமானுக்கும் எவ்வித அறிமுகமோ பழக்கமோ கிடையாது. நான் இறந்த செய்தி அறிந்ததும் நானும் வாஜ்பாயும் ஒரே பாயில் படுத்து தூங்கும் அளவிற்கு நட்பாக இருந்தோம் என்று அவர் புரூடாவிடக் கூடும். ஆதலால் அவர் சொல்வதை யாரும் நம்ப வேண்டாம்.

நெட்டிசன்கள் கவனத்திற்கு:

தமிழக அரசியல்வாதிகள் அனைவரையும் கலாய்த்து தள்ளுவது நெட்டிசன்களின் பொழுதுபோக்கு. அதற்காக அவர்கள் சொல்லும் எல்லாவற்றையும் கலாய்த்து தள்ளினால் இங்கு எதுவுமே பொருளற்று போய்விடும்.

சீமானை உங்களுக்குத் தனிப்பட்ட முறையில் பிடிக்கவில்லை என்றால் அவரை தனிப்பட்ட முறையில் விமர்சிக்க யாருக்கும் உரிமை உண்டு. ஆனால் சீமானை பிடிக்காது என்ற காரணத்திற்காக அவர் கூறும் முன்னோர்களின் பெருமையை கலாய்ப்பதன் மூலம் நீங்கள் சீமானை தரம் தாழ்த்துவதாக எண்ணுகிறீர்கள். ஆனால் அது தான் இல்லை… மாறாக ஒட்டுமொத்த தமிழர்களின் பெருமையையே நீங்கள் தாழ்த்துகிறீர்கள் இன்னும் சொல்லப் போனால் யானை தன் தலையில் மண்ணை வாரிப் போட்டுக்கொள்வதற்குச் சமம்.

சமீபத்தில் அவர் கூறிய கருத்து முற்றிலும் உண்மை. சோழர்களின் ஆட்சிக் காலம் அத்தகைய பிரமிப்புக்களை உள்ளடங்கியது. தஞ்சை பெரிய கோயில் மாதிரியான உலகம் வியக்கும் அதிசயங்களை செய்தவர்கள் சோழர்கள். சோழர்களின் ஆட்சிக்காலம் பற்றிய புத்தகங்கள் உங்களுக்கு கிடைத்தால் எடுத்துப் படித்துப் பாருங்கள். அதில் எத்தனாயிரம் யானைகள், எத்தனாயிரம் குதிரைகளை ஏற்றிக் கொண்டு போர் செய்ய சோழர் படை கிளம்பியது என்று தெளிவாகப் புரியும்.

பாகுபலி என்ற ஒரு படத்தைப் பார்த்து சிலாகித்தீர்களே நீங்கள் பொன்னியின் செல்வன் படித்திருக்கிறீர்களா? அது போன்ற நாவல்கள், மற்றும் தமிழ் ஆட்சியாளர்கள் வரலாற்று புத்தகங்கள் படித்த பிறகு தெரியும் தமிழ் மண் எத்தகைய பிரமிப்பை உள்ளடக்கியது என்று. இதே கருத்தை சீமானுக்குப் பதில் வேறு யாராவது சொல்லி இருந்தால் தமிழன்டா கெத்துடா என்று கிளம்பி இருப்பீர்கள். சொன்னது சீமான் என்பதால் இத்தனை வசவுகள்.

 

Related Articles

கலைக்கும் கலைஞனுக்கும் சாவு இல்லைதான் அத... சீதக்காதி பெயர்க்காரணம் ஏன்?'செத்துங் கொடுத்தான் சீதக்காதி` என்று இன்றும் தமிழ் உலகில் வழங்கிவரும் முதுமொழி ஒன்றே அவரின் வள்ளன்மையை உலகுக்குப் பற...
ஜெயமோகனுக்கும் சினிமாவுக்கும் ராசியில்லை... எழுத்தாளர் ஜெயமோகன் இந்தக் காலகட்டத்தின் மிக முக்கியமான எழுத்தாளர் என்பதும் அவருடைய வாசகர் வட்டம் எப்படிபட்டது என்பதும் தீவிர புத்தக வாசிப்பாளர்களுக்...
உத்தரகாண்டில் மூன்று புதிய அணைகளைக் கட்ட... இந்தியாவுக்கும் பாகிஸ்தானுக்கும் இடையே 1960 ஆம் ஆண்டு கையெழுத்திடப்பட்ட இண்டஸ் நீர் ஒப்பந்தத்தில் இரண்டு நாடுகளுக்கும் மூன்று ஆறுகள் வீதம் பிரித்துக்...
காதும்மாவை விரும்பியவர்களுக்கு கோலமாவு க... இயக்குனர் நெல்சன் இயக்கத்தில் லேடி சூப்பர்ஸ்டார் நயன்தாரா நடிப்பில் அனிருத்தின் இசையில் வெளியாகி இருக்கும் படம் கோலமாவு கோகிலா. நயன்தாராவுக்கு தோழியாக...

Be the first to comment on "கப்பலில் 60000 யானைகளை ஏத்திட்டு போய் போர் செஞ்சாங்க என் முன்னோர்கள்! – இது பொய் அல்ல உண்மை!"

Leave a comment

Your email address will not be published.


*