ஆர் ஜே பாலாஜி பற்றிய 10 தகவல்கள்!

10 Interesting information about RJ Balaji
  1. இயற்பெயர் பாலாஜி பட்டுராஜ். இவருடைய பெற்றோர்கள் ராஜஸ்தானை பூர்விகமாக கொண்டவர்கள். பிறப்பு ஜூன் 20, 1985. உடன் பிறந்த சகோதரி(தங்கை) ஒருவர் இருக்கிறார். இவரது குடும்பமே இவரைப் போல ஹுயூமர் சென்ஸ் அதிகம் உள்ள நபர்களால் ஆனது. நகைச்சுவை திறன் இவருக்கு குடும்பத்திடம் இருந்தே வந்தது. இவருடைய மகன் பெயர் மகந்த்.
  2. ஐந்து அல்லது ஆறு வயதில் கிரிக்கெட் ஆடத் தொடங்கினார். அவர் விளையாடிய முதல் அணியின் பெயர் வீனுஸ் லெவன்.
  3. கல்லூரி இறுதியாண்டின் போது காதல் திருமணம் செய்துகொண்டார். முந்தைய செமஸ்டர்களில் அரியர் வைத்திருந்த பாலாஜி கடைசி செமஸ்டரில் காலேஜ் டாப்பராக உயர்ந்தார்.
  4. 2007லிருந்து ரேடியோவில் கிரிக்கெட் வர்ணனை அளித்து வருகிறார். டோனி கிரேக்கின் கிரிக்கெட் வர்ணனை இவருக்கு மிகவும் பிடிக்கும். ஜெஃப் பாய்காட் கமெண்ட்ரியும் இவருக்குப் பிடிக்கும்.
  5. காமெடியனாக நடித்த முதல் திரைப்படம் சுந்தர் சியின் “தீயா வேலை செய்யணும் குமாரு”. ஹீரோவாக நடித்த முதல்படம் “எல் கே ஜி” . அந்தப் படத்திற்கு இவரே கதை வசனம் எழுதி இருந்தார்.
  6. சென்னை big fmல் ரேடியோ ஜாக்கியாகப் பணியாற்றினார். அதில் டேக் இட் ஈசி, கிராஸ் டாக் என்று இரண்டு நிகழ்ச்சி உட்பட பல நிகழ்ச்சிகள் செய்தார். கிராஸ் டாக் நிகழ்ச்சி மூலம் பிரபலமானார். ஆஸ்திரேலியாவில் இதுபோன்ற நிகழ்ச்சியால் ஒருவர் தற்கொலை செய்துகொண்டார் ( லண்டனில் jacintha saldanha தற்கொலை) என்று அறிந்ததும் உடனே இந்த நிகழ்ச்சியை நிறுத்திவிட்டார். தற்போது ஸ்டார் ஸ்போர்ட்ஸ் தமிழில் கிரிக்கெட் வர்ணனையாளராக இருக்கிறார். படங்களிலும் நடித்து வருகிறார்.
  7. சைமா 2016 சிறந்த காமெடியன் விருதை நானும் ரௌடிதான் படத்திற்காகப் பெற்றார். பிகைன்ட்வுட்ஸ், ஆனந்த விகடன் விருது நிகழ்ச்சிகளை தொகுத்து வழங்கியுள்ளார். பாகுபலி 2 தமிழ் ஆடியோ லான்ச்சை தொகுத்து வழங்கியவர் பாலாஜியே!
  8. சென்னை மற்றும் வெளிநாடுகளில் icehouse to whitehouse என்ற நிகழ்ச்சி நடத்தி அதன்மூலம் வந்த தொகையை சமுதாய தொண்டாற்ற பயன்படுத்தினர். சமூக சேவைகளில் ஈடுபடுவது அவருக்குப் பிடித்தமான ஒன்று. சென்னை பெருவெள்ளம் மற்றும் ஜல்லிக்கட்டு போராட்டத்தின் போது இளைஞர்களுக்கு ஆதரவாகவும் உத்வேகம் அளிக்க கூடியவராகவும் இருந்தார்.
  9. இவருடைய பெயரில் மூன்று APP கள் உள்ளன. க்ராஸ்டாக் நிகழ்ச்சிகள் அதில் இடம்பெற்றிருந்தன. அதில் ஒரு APPன் பயன்பாட்டை தொடங்கி வைத்தவர் நடிகர் தனுஷ்.
  10. டொடடொடன்டட் மற்றும் திசரா போன்ற வார்த்தைகளை அதிகம் உபயோகிப்பார். வாய் உள்ள பிள்ள பொழச்சிக்கும், வாய்ல தான்டா உனக்கு சனி ஆகிய இரண்டு வாக்கியங்களுக்கும் இவரே எடுத்துக்காட்டு. ஒரு நிகழ்ச்சியில் கிரண்பேடியிடம் கேள்வி கேட்டு நற்பெயர் பெற்றார். இன்னொரு நிகழ்ச்சியில் இயக்குனர் விக்ரமனிடம் திட்டு வாங்கி அசிங்கப்பட்டார். ஆர் ஜே வாக இருந்த போது பல திரைப்படங்களை விமர்சனம் செய்து சினிமாக்காரர்களின் வயித்தெரிச்சலை சம்பாதித்தார். இன்றைக்கு அதே சினிமாவில் முக்கியமான காமெடி நடிகராக திகழ்ந்து வருகிறார்.

Related Articles

முலாம்பழம் ஜூஸ் குடிப்பதன் பலன்கள்!... கோடை காலம் தொடங்கி மண்டபத்திரம் மக்களே என்று நம்மை வாட்டி வதைத்து எடுக்கிறது. இந்த சூழலை சமாளிக்க சாலை ஓரங்களில் அமைக்கப் பட்டிருக்கும் சிறு சிறு கடைக...
ஏழை மாணவர்கள் மருத்துவர் ஆகி அப்படி என்ன...  நம் இந்திய சமூகத்தில் எப்படியாவது சாதிக்கலாம் என்று ஏகப்பட்ட இளைஞர்கள் தினமும் துடிப்புடன் செயல்பட்டு வருகின்றனர். கோடி கணக்கான இளைஞர்கள் மத...
2021ல் பெரிய ஏமாற்றத்தை கொடுத்த படம்! ... காவியத்தலைவன் தான் வசந்தபாலனின் கடைசி படமாக இருந்தது. அந்தப் படம் பெரிய தோல்வி என்ற போதிலும் டெக்னிக்கலாக ரொம்ப ஸ்ட்ராங்கான படம். நிறைய விருது விழாக்க...
எஸ் ராமகிருஷ்ணனின் “கடவுளின் நாக்க... தின இந்து நாளிதழலில் தொடராக வந்த கடவுளின் நாக்கு கதைகளின் தாயகம், மனிதன் நல்லவனா?, அன்பின் அடையாளம், காட்டின் அரசன்!,சிலந்திப் பெண்!, கண் திறவுங்கள், ...

Be the first to comment on "ஆர் ஜே பாலாஜி பற்றிய 10 தகவல்கள்!"

Leave a comment

Your email address will not be published.


*