குடும்பங்கள் கொண்டாடும் எஸ் ஜே சூர்யாவின் மான்ஸ்டர்! – ஒரு பார்வை!

A view on Monster movie

கதை வசனம் சங்கர்தாஸ் எழுத திரைக்கதை அமைத்து இயக்கி உள்ளார் இயக்குனர் நெல்சன் வெங்கடேசன். ஒருநாள் கூத்து எனும் அட்டகாசமான படத்தை தந்தவரிடம் இருந்து மான்ஸ்டர் எனும் ஜாலியான படம் கிடைத்திருக்கிறது.

வாடிய பயிரை கண்டபோதெல்லாம் வாடினேன் என்ற வள்ளலாரின் கொள்கைகளை தீவிரமாகப் பின்பற்றுகிறார் நாயகன். அதன் படி எல்லா உயிருக்கும் வாழ உரிமை உண்டு என்பதை பின்பற்றும் நாயகன் புதிதாக ஒரு வீடு வாங்குகிறார். அங்கு ஒரு எலி வசித்து வருகிறது. அந்த எலி நாயகனுக்கு தோழனாக வில்லனாக விளங்குகிறது. எடால் வைத்து எலியை பிடித்த நாயகன் இரக்கப்பட்டு எலியை உயிரோடு விடுகிறார். பின்னர் எலியின் டார்ச்சர் அதிகமாகவே எலியைப் பிடித்துக்கொள்ள விதவிதமாக முயல்கிறார். கடைசியில் எலியை பிடித்தாரா இல்லையா என்பதே மீதிக்கதை.

தொடர்ந்து வில்லனாகவே நடித்து வந்த எஸ் ஜே சூர்யாவுக்கு ஹீரோவாக இது நல்ல வெற்றியைத் தந்த படம் என்றே கூற வேண்டும். தன்னுடைய இன்னொரு முகமான காமெடி முகத்தை நன்றாகவே பயன்படுத்தி இருக்கிறார். சின்ன சின்ன எக்பிரசன்கள் மூலமாக சிரிக்க வைக்கிறார். பிரியா பவானி சங்கர் படத்திற்கு கூடுதல் அழகு. நாயகன் கூடவே வரும் கருணாகரன் ஒன்றிரண்டு இடங்களில் மட்டும் சிரிப்பு வருகிறது. பாடல்கள் மனதை கவரும் வகையில் அவ்வளவாக இல்லை. பின்னணி இசை பக்கா. குறிப்பாக எலியின் என்ட்ரிக்களை காட்டும்போது ஒலிக்கும் பின்னணி இசை மிரட்டுகிறது.

படத்தின் இன்னொரு பலம் கிராபிக்ஸ் டிசைனிங். நிஜ எலியைப் போல அட்டகாசமாக அந்த கதாபாத்திரத்தை வடிவமைத்துள்ளார்கள்.ஒளிப்பதிவு அருமை. குறிப்பாக எலியின் பார்வையில் தெரியும் பச்சைநிற காட்சிகள் அருமை. எளிதில் யூகிக்க கூடிய கிளைமேக்ஸ் என்றாலும் ( ஆல்பா திரைப்படத்தின் கிளைமேக்ஸைப் போலவே இந்த திரைப்படத்தின் கிளைமேக்ஸ் உள்ளது ) அழகான முடிவு. இந்தப் படத்தை பார்த்து முடித்த ஒவ்வொருவரும் இனி எலியை கொல்லும் முன் ஒருகணம் யோசிப்பார்கள். எல்லா உயிர்க்கும் வாழ உரிமையுண்டு என்பதை இயக்குனர் அழகாக கூறி உள்ளதால் குடும்பங்கள் இந்தப் படத்தை கொண்டாடியே ஆக வேண்டும்.

Related Articles

“உண்மையிலே மனுஷன்தான் இருக்கறதிலேய... கதாபாத்திரங்கள் : ஆனந்த் - வன அலுவலரின் நண்பன், டாக்டர் கிருஷ்ணமூர்த்தி - யானை டாக்டர், மாரிமுத்து - உதவியாள், செல்வா - வளர்ப்பு யானை,...
விந்து நிறைத்த பலூன் தாக்குதல்களை எதிர்த...  கொண்டாட்டங்கள் எல்லை மீறச் செல்லும் போது அவை பெரும்பாலும் குற்றச் செயல்களிலேயே முடிகிறது. ஹோலி பண்டிகையின் போது நிகழும் கொண்டாட்டங்கள் சில ச...
மாவட்ட வாரியாக தமிழ் மற்றும் மலையாள எழுத... தமிழகத்தில் முப்பதுக்கும் மேற்பட்ட மாவட்டங்கள் உள்ளன. கிட்டத்தட்ட எல்லா மாவட்டங்களிலும் புகழ்பெற்ற எழுத்தாளர்கள் இருக்கிறார்கள். அவற்றில் சில எழுத்தாள...
தீபாவளிப் பண்டிகை அன்று எண்ணெய் ஸ்நானம் ... பல பண்டிகைகள் நாம் கொண்டாடினாலும் தீபாவளிப் பண்டிகைக்கு தனி சிறப்பு உண்டு.  தீபாவளித் திருநாள் அன்று ஏழை, பணக்காரர் என்ற பாகுபாடின்றி எல்லோரும் எண்ணெய...

Be the first to comment on "குடும்பங்கள் கொண்டாடும் எஸ் ஜே சூர்யாவின் மான்ஸ்டர்! – ஒரு பார்வை!"

Leave a comment

Your email address will not be published.


*