தமிழ் சினிமாவுக்கு மட்டுமல்ல இந்திய சினிமாவுக்கே கிடைத்த பரிசு தனுஷ் !

Dhanush is the gift of Indian cinema!

இயக்குனர் பாலாவை பற்றி யாவரும் அறிந்ததே. மனதுக்கு மிக நெருக்கமான மனிதர்களுக்காக என்ன வேண்டுமானால் செய்யக் கூடியவர். உதாரணமாக தங்க மீன்கள் படத்தின் ட்ரெய்லரை தனது பரதேசி படத்துடன் இணைத்து வெளியிட்டதாகட்டும், தங்க மீன்கள் படம் வெளியாக எதாவது பண உதவி தேவையா என்று தாமாகவே கேட்ட மனிதர். அதே சமயம் பிடிக்காதவர் என்றால் எவ்வளவு பெரிய மனிதராக இருந்தாலும் அவருக்கு அஞ்சி நடக்காதவர் பாலா. உதாரணமாக பாரதிராஜாவை எதிர்த்துப் பேசியதாகட்டும், விஜய்க்கு கொடுக்கப்பட்ட விகடன் விருதை விஜய் இருக்கும் மேடையிலயே விமர்சித்து பேசியதாகட்டும் பாலாவின் துணிச்சல் வேற லெவல்.

அப்படிப்பட்ட மனிதர் அவ்வளவு எளிதில் யாரையும் பாராட்டிவிட மாட்டார். ஆனால் அவரே தனுஷை பார்த்து சொன்ன வரிகள் தான் தமிழ் சினிமாவுக்கு மட்டுமல்ல இந்திய சினிமாவுக்கே கிடைத்த பரிசு தனுஷ் என்பது. அதை நிரூபிக்கும் வகையில் செயல்படும் தனுஷை எவ்வளவு பாராட்டினாலும் தகும்.

பலமான கூட்டணி :

தனுஷின் The Extraordinary Journey Of Fakir – வாழ்க்கையைத் தேடி நானும் போனேன் என்ற தமிழில் டப் செய்யப்பட்ட ஹாலிவுட் படம் விரைவில் வெளிவர இருக்கிறது. அதே போல கார்த்திக் சுப்புராஜ் படம், கௌதம் மேனன் படம், வெற்றிமாறன் படம் என்று கூட்டணி வியக்க வைத்த நிலையில் மீண்டும் வியக்க வைத்திருக்கிறார் தனுஷ்.

பரியேறும் பெருமாள் எனும் அட்டகாசமான  படத்தை தந்த மாரி செல்வராஜூடன் தனுஷ் இணைகிறார் என்பது தான் அந்த வியப்பான செய்தி. திறமைசாலிகளை கூட வைத்துக் கொள்வதன் மூலம் நாம் மேலும் மேலும் வலுப்பெறுகிறோம் என்பது கமலின் வெற்றி மந்திரம். அந்த மந்திரத்தை யார் பின்பற்றுகிறார்களோ இல்லையோ தனுஷ் ஆணித்தரமாக மனதில் இறக்கி கொண்டு வெற்றிநடை போடுகிறார் என்பது குறிப்பிடத் தக்கது. இயக்குனர் ராம் உடன், இயக்குனர் பாலாவுடன் ஒரு படம் செய்ய இருப்பதாக செய்தி வெளியானது. அதுவும் கூடிய விரைவில் நடந்தால் தனுஷ் இன்னும் ஒரு படி மெருகேறுவார் என்பதில் சந்தேகமே இல்லை.

ஒல்லிப்பிச்சான் என்ற இளக்காரம் செய்தவர்களை நடிகர், இயக்குனர், பாடலாசிரியர், தயாரிப்பாளர், பாடகர் என்று தனது வெற்றிப் பயணத்தால் துரத்தி துரத்தி அடிக்கிறார் தனுஷ் !

Related Articles

தனியார் பள்ளிகளின் விளம்பர பதாகைகளில் மா... இந்த ஆண்டு முதல் மாணவ மாணவிகளின் புகைப்படங்களை  விளம்பரங்களுக்கு உபயோகிக்க கூடாது என்று தடை விதித்து உள்ளது தமிழகப் பள்ளிக் கல்வித்துறை. இது சமூக ஆர்வ...
பெரியார் பற்றிய 20 தகவல்கள்!... ஈரோட்டில் 1879ம் ஆண்டு செப்டம்பர் 17ம் தேதி பிறந்தார். பெற்றோர் வெங்கட்ட நாயக்கர் - சின்னத் தாயம்மாள். இவருக்கு பெற்றோர் வைத்த பெயர் ராமசாமி. இவர...
கைதிகளுக்காக வானொலி நிலையம் அமைத்துத் தந... தெரிந்தோ தெரியாமலோ தவறுகள் செய்து சிறை வாழ்வை அனுபவித்து வரும் கைதிகளை நல்வழிப்படுத்த அரசு சார்பிலும், தனியார் அமைப்பு சார்பிலும் நாடு முழுவதும் பல்வே...
தோனிக்கு கிடைத்த மாதிரி நண்பர்கள் நமக்கு... ஏப்ரல் 2 2011 அன்று ஐசிசி உலக கோப்பை கிரிக்கெட் போட்டியில்  இந்தியாவும் ஸ்ரீலங்காவும் மும்பையில் உள்ள வான்கடே மைதானத்தில் மோதிக்கொண்டு இருக்கிறது.  இந...

Be the first to comment on "தமிழ் சினிமாவுக்கு மட்டுமல்ல இந்திய சினிமாவுக்கே கிடைத்த பரிசு தனுஷ் !"

Leave a comment

Your email address will not be published.


*