ஜிப்ஸினா மதம் பிடிக்காத மனுச சாதிங்க – கயல் படத்தை நினைவூட்டும் ஜிப்ஸி டீசர்!

அட்டகத்தி தினேஷ் நடிப்பில் எழுத்தாளர் மற்றும் இயக்குனர் ராஜூமுருகன் வெளியான அற்புதமான படம் குக்கூ. அதை தொடர்ந்து இயக்குனர் ராஜூ முருகன் இயக்கத்தில் வெளியான ஜோக்கர் படம் தேசிய விருது வென்றது. தற்போது அவருடைய மூன்றாம் படைப்பான ஜிப்ஸி உருவாகி ரிலீசுக்கு தயாராகி வருகிறது. இப்போது அதன் டீசர் வெளியிடப் பட்டுள்ளது.

” டேய் ஜிப்ஸி… 70 வருசமா இந்த நாட்டுல குறுக்கு முறுக்கமா திரிஞ்சிட்டு இருக்கேன்…

காஷ்மீர்ல இருந்து கன்னியாகுமரி வரைக்கும் எவ்வளவு தூரம்னு அக்கியூரட்டா தெரியும்…

ஆனா ஒரு இதயத்துக்கும் இன்னொரு இதயத்துக்கும்னு தா என்னால கண்டே பிடிக்க முடியலடா… ”

” ஜிப்ஸினா என்ன… மதம் பிடிக்காத மனுச சாதிங்க… ”

” அவ எங்கிருப்பான்னு அவனுக்கே தெரியாது… ஊர் ஊரா போயிட்டு இருப்பான்… ”

” உனக்குனு ஒரு முகம் கிடைக்கும்… அந்த முகம்… அந்த முகத்த மட்டும் என்னைக்கும் மிஸ் பண்ணிடாதடா… ”

போன்ற வசனங்கள் இந்த டீசரில் இடம் பெற்று உள்ளன.

நீண்ட நாட்களுக்குப் பிறகு நடிகர் ஜீவாவுக்கு ஒரு நல்ல படம் கிடைத்து இருக்கிறது என்று ரசிகர்கள் கருத்து தெரிவித்து உள்ளனர். இது போல நாடோடியாக திரியும் கதைக்களத்தில் கற்றது தமிழ் படத்தில் நடித்திருந்த ஜீவாவுக்கு ஜிப்ஸி படம் செகண்ட் இன்னிங்க்ஸாக அமையும் என்பதில் சந்தேகம் இல்லை.

அதே சமயம் இந்த டீசர் இயக்குனர் பிரபு சாலமன் இயக்கத்தில் வெளிவந்த கயல் திரைப்படத்தை நினைவூட்டுகிறது. அதிலும் இப்படித் தான் நாயகன் நாடோடியாகத் திரிவான். அவனுடைய அப்பாவோ அவனுக்கு என்று ஒரு அடையாளத்தை தேடிக் கொள்ள சொல்வார்.

உனக்காக ஒரு ஒளி கிடைக்கும்… அந்த ஒளி தான் உன் வாழ்க்கை… விட்றாத கெட்டியா பிடிச்சுக்கு… என்ற குரல் நாயகனின் காதில் அடிக்கடி ஒலிக்கும். ஜிப்ஸி படத்தின் டீசரும் அதையே நினைவூட்டுகிறது.

Related Articles

ரஷ்யாவிடம் இருந்து S-400 ரக ஏவுகணைகள் வ... ரஷ்யாவிடம் இருந்து மேம்பட்ட இராணுவ தளவாடங்களை வாங்கும் இந்தியாவின் திட்டத்தால், அமெரிக்காவிற்கும் இந்தியாவிற்கும் இடையேயான பாதுகாப்பு ஒத்துழைப்பு மற்ற...
டாக்டர் ஏ பி ஜே அப்துல்கலாமின் பொன்மொழிக... காலத்தின் மணற்பரப்பில் உன் காலடிச் சுவடுகளை பதிக்க விரும்பினால் உனது கால்களை இழுத்து இழுத்து நடக்காதே. நீண்ட நாள் முழுவதும் கணத்திற்கு கணம் நேர...
தன்னுடைய சொந்தக் கட்சியையே தோற்கடித்த மல... தேவைப்பட்டால் நான் என் சொந்தக் கட்சியைக் கூட எதிர்ப்பேன் என்று கமல் தெரிவித்து உள்ளார். அதை வைத்து பல மீம் பேஜ்கள் கலாய்த்து வருகின்றனர்.ஆனால் உண்...
“ஒத்த செருப்பு சைஸ் 7” படம் ... முன் திரையீட்டுக்காட்சியில் "ஒத்த செருப்பு அளவு 7" திரைப்படைத்தை காணும் வாய்ப்பு கிடைத்தது. பரிசோதனை முயற்சியான திரைப்படங்கள் மக்களைச் சென்று சேர்வதற்...

Be the first to comment on "ஜிப்ஸினா மதம் பிடிக்காத மனுச சாதிங்க – கயல் படத்தை நினைவூட்டும் ஜிப்ஸி டீசர்!"

Leave a comment

Your email address will not be published.


*