இனி இரயில்களில் உணவுக்கு அதிக விலை வைக்க முடியாது – ஐஆர்சிடிசியின் புதிய செயலியில் அசத்தலான பத்து அம்சங்கள்

இரயிகளில் அடிக்கடி பயணம் செய்பவர்களா நீங்கள்? இரயிலில் தரப்படும் உணவுகளின் விலை மிக அதிகமாக இருப்பதாக உணர்ந்திருக்கிறீர்களா? அப்படியென்றால் உங்களுக்காகத்தான் ஐஆர்சிடிசி ‘மெனு ஆன் இரயில்(Menu On Rail)’ என்ற புதிய செயலியை அறிமுகம் செய்திருக்கிறது. இந்தச் செயலியை நேற்று (திங்கட்கிழமை) இரயில்வே துறை அமைச்சர் பியூஸ் கோயல் வெளியிட்டு இருக்கிறார். இந்தச் செயலியை மக்கள் கூகுள் பிளே ஸ்டோரில் இருந்து தரவிறக்கி கொள்ளலாம்.

 

அப்படி என்ன இருக்கிறது இந்தச் செயலியில்?

அடுத்த முறை நீங்கள் இரயிலில் உணவு தருவிப்பதற்கு முன்பாக, இந்தச் செயலியில் எந்த உணவு என்ன விலைக்கு விற்கிறது என்பதைச் சரிபார்த்து கொள்ளுங்கள். இரண்டு காரணங்களுக்காக இந்தச் செயலி அறிமுகப்படுத்தப்பட்டு இருக்கிறது.

1 ) மக்களுக்கு இரயிலில் விற்கப்படும் உணவின் விலை தொடர்பான விழிப்புணர்வை ஏற்படுத்துவது

2 ) ஒப்பந்தக்காரர்கள் இரயில்களில் அதிக விலைக்கு உணவை விற்காமல் தடுப்பது

 

செயலியின் அசத்தலான பத்து அம்சங்கள்

1 ) தேநீர், காபி, சைவ மற்றும் அசைவ சாப்பாடு, குடிநீர் போன்றவற்றின் விலை பட்டியலை இந்தச் செயலியின் மூலம் அறிந்து கொள்ளலாம்.

2 ) 96 உட்பிரிவுகளின் கீழ்க் காலை உணவு, மிதமான உணவுகள், கோம்போ மீல்ஸ், சைவ உணவு , நீரிழிவு உணவுகள், ஜெயின் உணவு, இனிப்புகள் உள்ளிட்ட பல்வேறு உணவு வகைகளைத் தெரிந்து கொள்ளலாம்.

3 ) நான்கு விதமாக உணவு வகைகள் பிரிக்கப்பட்டு இருக்கின்றன. அவை முறையே பானங்கள், காலை உணவு, சாப்பாடு மற்றும் ஏ-லா-கார்டே (தனிப்பட்ட உணவுகள்) ஆகும்.

4 ) சதாப்தி ரயிலில் 1 ஏ, 2 ஏ மற்றும் 3 ஏ வகுப்புகள், ராஜ்தானி மற்றும் துரந்தோ ரயிகளில் EC மற்றும் CC வகுப்புகளில் முன்பதிவு செய்யப்படும் உணவுப் பொருட்களையும் இந்தச் செயலியில் காணலாம்.

5 ) துரந்தோ ரயில்களில் ஸ்லீப்பர் வகுப்புகளில் வழங்கப்படும் உணவையும் , காதிமன் மற்றும் தேஜாஸ் எக்ஸ்பிரஸ் ரயில்களில் முன்பதிவு செய்யப்படும் உணவையும் செயலியில் காணலாம். தாமதமாக வரும் இரயில்களுக்கான உணவு பட்டியலையும் காணலாம்.

6 ) வரிவிதிப்பு குறித்த குழப்பத்தைத் தவிர்ப்பதற்காக, செயலியில் காட்டப்படும் உணவுப் பொருட்களின் விலைகள் அனைத்தும் வரிகளை உள்ளடக்கியவையாக இருக்கும்.

7 ) இந்தச் செயலி ஆண்ட்ராய்டு மற்றும் ஐஓஎஸ் இயங்குதங்களில் இயங்கும்

8 ) திறன்பேசி செயலியாக மட்டுமல்லாமல், கணினியிலும் மடிக்கணினியிலும் கூட இந்தச் சேவையை பயணிகள் பெறலாம்

9 ) இந்தச் செயலியின் மூலம் பயணிகள் இரயிகளில் விற்கப்படும் உணவுப் பொருட்களின் விலை பற்றிய விழிப்புணர்வைப் பெறுவதோடு மட்டுமல்லாமல், உணவின் தரத்தையும் அளவையும் அறிந்துகொள்ள முடிகிறது.

10 ) இந்தச் செயலியின் மூலம் அதிக அளவுக்கு உணவின் விலை வைத்து விற்பது தவிர்க்கப்படும்.

 

இரயில் பயணிகளின் உணவு அனுபவத்தை மேம்படுத்த இரயில்வே நிர்வாகம் பல்வேறு நடவடிக்கைகளை மேற்கோடு வருகிறது, சில நாட்களுக்கு முன்பு பயணிகள் வாங்கும் உணவிற்குக் கட்டாயம் இரசீது தரவேண்டும் என்ற உத்தரவை வெளியிட்டது குறிப்பிடத்தக்கது.

Related Articles

பாஜகவை வீழ்த்துவதற்காக பகுஜன் சமாஜ் கட்ச... 2019 ஆம் ஆண்டு நடக்கவிருக்கும் நாடாளுமன்ற தேர்தலில் பாரதிய ஜனதா கட்சியை வீழ்த்துவதற்காக, பகுஜன் சமாஜ் கட்சியுடனான கூட்டணி தொடரும் என்று சமாஜ்வாடி கட்ச...
பாகுபலி நாயகனின் “சாஹோ” படம்... படம் ரிலீசான அடுத்த நொடிகளில் இருந்து இந்தப் படத்திற்கு நெகட்டிவ் விமர்சனங்கள் வந்துகொண்டு இருந்தாலும்  பாகுபலி நாயகனின் படம் என்பதால் இந்தப் படம் நல்...
சமூக வலைதளங்களில் சாலை பாதுகாப்பு விழிப்... இளைஞர்களை கவரும் வகையில் சாலை விழிப்புணர்வு உண்டாக்கும் வகையில் சின்ன சின்ன போஸ்டர்கள் தயார் செய்து தனது சமூக வலைதள பக்கத்தில் பதிவிட்டு வருகிறது குஜர...
ஹரியானா மாநிலத்தில் ஒரு பியூன் பணிக்கு 1... தமிழ்நாட்டில் ஒரு அரசுப்பணிக்கு நூற்றுக்கணக்கான நபர்கள் போட்டி போட்டுகொண்டிருக்கிறார்கள். அதிலும் எட்டாம் வகுப்பு, பத்தாம் வகுப்பு தகுதியுள்ள கால்நடை ...

Be the first to comment on "இனி இரயில்களில் உணவுக்கு அதிக விலை வைக்க முடியாது – ஐஆர்சிடிசியின் புதிய செயலியில் அசத்தலான பத்து அம்சங்கள்"

Leave a comment

Your email address will not be published.


*