கவிஞராக மாறிய மோடி! – கடல் குறித்து மோடி எழுதிய கவிதை ஒரு பார்வை!

Modi's poem about the sea

சீன அதிபரின் வருகையால் பிரதமர் மோடி மாமல்லபுரம் செல்ல வேண்டி இருந்தது. கடற்கரையில் உள்ள குப்பைகளை அகற்ற வேண்டி இருந்தது. அந்த நிகழ்வின் புகைப் படங்கள் அனைத்தும் இணைய தளங்களில் வைரல் ஆகின. அதை அடுத்து தற்போது பிரதமர் மோடி எழுதிய கடல் குறித்த கவிதை ஒன்று வைரலாகி வருகிறது. மோடி இந்தக் கவிதையை இந்தியில் எழுத தமிழ்மொழியில் மொழிமாற்றம் செய்யப்பட்டு மோடியின் டுவிட்டர் பக்கத்தில் அதிகாரபூர்வமாக வெளியிடப் பட்டுள்ளது. அந்தக் கவிதையை இங்கே இணைத்துள்ளோம். 

அலைகடலே! 

அடியேனின் வணக்கம்

அளப்பரிய, முடிவுற்ற, 

ஒப்பில்லாத வர்ணனைகளைக்

கடந்த நீலக்கடலே

உலகிற்கு உயிரளிக்கும் நீ

பொறுமையின் இலக்கணம்

ஆழத்தின் உறைவிடம்

 

அலைகடலே! 

அடியேனின் வணக்கம்

வெளித் தோற்றத்திற்கு 

கோபமாய் வீரத்துடன் 

பேரிரைச்சலோடு எழும் அலைகள்

உன் வலியா ? வேதனையா ?

துயரமா ? எதன் வெளிப்பாடு ? 

இருந்தபோதிலும் உன்னை 

கலக்கமின்றி தடுமாற்றமின்றி

உறுதியுடன் நிற்கச் செய்கிறது 

உன் ஆழம். 

 

அலைகடலே! 

அடியேனின் வணக்கம்

உன்னிடம் உள்ளது

எல்லையில்லாத வலிமை, 

முடிவில்லாத சக்தி ஆனாலும்

பணிதவின் பெருமையை 

நிமிடந்தோறும் நவில்கிறாய் – நீ

கரையைக் கடக்காமல் 

கண்ணியத்தை இழக்காமல், 

 

அலைகடலே! 

அடியேனின் வணக்கம்

கல்வித் தந்தையாய் 

ஞான குருவாய்

வாழ்க்கைப் பாடத்தை 

போதிக்கிறாய் நீ

புகழுக்கு ஏங்காத, 

புகலிடத்தை நாடாத

பலனை எதிர்நோக்காத

உன் பயணம் தரும் பாடங்கள் ஏராளம். 

 

அலைகடலே! 

அடியேனின் வணக்கம்

நிற்காமல், சளைக்காமல்

வீசும் உன் பேரலைகள் 

முன்னேறுவதே வாழ்க்கை என்ற 

உபதேச மந்திரத்தை உணர்த்தும்

முடிவில்லாத பயணமே 

முழுமையான உன் போதனை. 

 

அலைகடலே! 

அடியேனின் வணக்கம்

விழும் அலைகளிலிருந்து

மீண்டும் எழும் அலைகள்

மறைந்து 

மீண்டும் துவங்கும் உதயம்

பிறப்பு – இறப்பு என்பது தொடர் வட்டம்

உனக்குள் மடிந்து பின்

உயிர்த்தெழும் அலைகள்

மறுபிறப்பின்

உணர்வூட்டம்

 

அலைகடலே! 

அடியேனின் வணக்கம்

பழம்பெரும் உறவான

சூரியனால் புடமிட்ட 

தன்னையழித்து, 

விண்ணைத் தொட்டு

கதிரவனை முத்தமிட்டு

மழையாய் பொழிந்து

 

நீர்நிலைகளாய், சோலைகளாய் 

மகிழ்ச்சி மணல் பரப்பி

படைப்பை அலங்கரித்து – எல்லோருக்கும் 

வாழ்வளிக்கும் நீர் நீ. 

 

அலைகடலே! 

அடியேனின் வணக்கம்

வாழ்வின் பேரழகு நீ – 

விஷத்தை அடக்கிய 

நீலகண்டன் போல் – நீயும்

எது வந்தாலும் ஏற்றுக் கொண்டு

புது வாழ்வைப் 

பிறர்க்களித்து

சொல்கிறாய் 

சிறந்த வாழ்வின் 

மறைபொருளை

 

அலைகடலே! 

அடியேனின் வணக்கம்

இவ்வாறு முடிவுறுகிறது பிரதமர் ( கவிஞர் ) மோடியின் கவிதை! 

Related Articles

01-04-2020 முதல் பிஎஸ்6 வகை வாகனங்கள் மட... தற்போது பயன்பாட்டில் இருக்கும் பி. எஸ். 4 வகை வாகன உற்பத்திக்கும் விற்பனைக்கும் காலக்கெடு விதித்து உள்ளது உச்ச நீதிமன்றம்.கடந்த சில மாதங்களுக்கு ...
அன்பை பகிர்வோம் ! – மீம் கிரியேட்ட... சென்ற ஆண்டு செப்டம்பர் மாதம் நீட் தேர்வு தோல்வியால் தற்கொலை செய்துகொண்ட அனிதாவைப் பற்றி தி இந்து நடுப்பக்கத்தில் கட்டுரை எழுதி இருந்தார் நடிகர் சூர்ய...
மனைவிக்கு கார் ஓட்டக் கற்றுக்கொடுக்கும் ... சென்னை சூளைமேடு பகுதியைச் சேர்ந்தவர்கள் துரைவேலன் மற்றும் அவரது மனைவி ஜெயந்தி. இவர்களது ஏழு வயது மகள் பவித்ரா யாரும் எதிர்பாராத வகையில் கார் விபத்தில்...
நகரத்துப் பேத்திக்கும் கிராமத்து பாட்டிக... நகரத்துப் பேத்திக்கும் கிராமத்து பாட்டிக்கும் இடையேயான மோதலும் காதலும்! - செத்தும் ஆயிரம் பொன் படம் ஒரு பார்வை! தமிழ் சினிமா விமர்சகர்கள் எல்லோரும...

Be the first to comment on "கவிஞராக மாறிய மோடி! – கடல் குறித்து மோடி எழுதிய கவிதை ஒரு பார்வை!"

Leave a comment

Your email address will not be published.


*