சட்டப்பேரவையில் தனிஒருவனாக தினகரன்! – ஆளுநர் உரையை புறக்கணித்து வெளிநடப்பு செய்த ஸ்டாலின்!

dinakaran

2018ம் ஆண்டின் முதல் தமிழக சட்டப்பேரவை இன்று கூடியது. ஆண்டின் முதல் கூட்டத்தொடர் என்பதால் ஆளுநர் பன்வாரிலால் புரோகித் உரையாற்றி தொடங்கி வைத்தது, தனியொருவனாக தினகரன் சட்டப்பேரவைக்கு முதன் முறையாக வந்த டிடிவி தினகரனுக்கு 148 வது இருக்கை ஒதுக்கப்பட்டிருந்தது, அரசை பாராட்டி பேசிய ஆளுநர் உரையை புறக்கணித்து எதிர்கட்சியினர் வெளிநடப்பு என்று பரபரப்புக்கு பஞ்சமில்லாமல் நடந்தது சட்டப்பேரவைதொடர்.

ஆளுநர் உரை

தமிழில் வணக்கம் கூறியவர் தொடர்ந்து அதிமுக அரசை வெகுவாகப் பாராட்டித்தள்ளினார்.

எதற்காக இந்த பாராட்டுகள்?

* தமிழகத்தில் ஜிஎஸ்டி வரி விதிப்பு முறையை சிறப்பாக அமல்படுத்தியதற்காக…

* வருவாய் குறைந்தபோதும் தமிழக அரசு சிறப்பாக செயல்படுவதற்காக…

* ஒகி புயலால் பாதிக்கப்பட்ட மீனவர்களைக் காப்பாற்ற மத்திய அரசோடு தமிழக அரசு          இணைந்து சிறப்பாக செயல்பட்டதாக…

* முன்னாள் முதலமைச்சர் ஜெயலலிதா வகுத்துத் தந்த பாதையில் தமிழக அரசு சிறப்பாகச் செயல்பட்டு வருவதாக…

* மின்பற்றாக்குறை மாநிலமாக இருந்த தமிழகம், ஜெயலலிதா எடுத்த நடவடிக்கைகளால் தற்போது மின்மிகை மாநிலமாக இருப்பதாக…

* இறந்தோர் உடல் உறுப்புகளை மாற்று அறுவை சிகிச்சைகளுக்கு பயன்படுத்துவதில், நாட்டிலேயே சிறந்த மாநிலமாக தமிழ்நாடு திகழ்வதுடன், அதற்கான தேசிய விருதை 2015ஆம் ஆண்டு முதல் தொடர்ந்து 3 ஆண்டுகளாக பெற்றுவருவதற்காக…

இப்படி ஆளுங்கட்சியை பாராட்டி தள்ளியதோடு ஜெவுக்கு மெரினா கடற்கரையில் நினைவுமண்டபம் அமைக்கவும், இல்லத்தை நினைவிடமாக்கவும் நடவடிக்கை எடுத்து வருவதாகவும் கூறினார். இப்படிப்பட்ட இவரது உரையை இது ஒரு ஆளுநரின் பேச்சாக தெரியவில்லை, ஆளுங்கட்சி அமைச்சரின் உரைபோல தெரிகிறது என்று சமூகவலைதளங்களில் பலரும் விமர்சித்து வருகின்றனர்.

எதிர்க்கட்சியினர் வெளிநடப்பு

ஆளுநரின் உரையாற்ற, எதிர்கட்சியினர் வெளிநடப்பு செய்தனர். மேலும் ஸ்டாலின்,
பெரும்பான்மை இன்றி அ.தி.மு.க. ஆட்சி நீடிப்பது அரசியல் சாசனத்துக்கு எதிரானது; மெஜாரிட்டி நிரூபிக்க ஆளுநர் உத்தரவிட வேண்டும் என்றும், பெரும்பான்மையை நிரூபிக்க உத்தரவிடாமல் அரசு தயாரித்த உரையை ஆளுநர் படிக்கிறார் என்றும் குதிரை பேர ஆட்சியை ஆளுநர் பாராட்டுவது வேதனைக்குரியது என்றும் கூறியுள்ளார்.

இப்படி எதிர்கட்சியினர் வெளிநடப்பு செய்தே தங்களுக்கான வாய்ப்புக்களை இழந்து வருகின்றனர் என்று எதிர்கட்சிக்கும் விமர்சனங்கள் எழுந்து வருகிறது.

Related Articles

நடிகர்களின் மீது பித்து பிடித்தது போல் இ... பாடகர் எஸ் பி பி பாலசுப்ரமணியம் அவர்களின் இறுதி சடங்கிற்கு நடிகர் விஜய் சென்றிருந்தபோது அவருடைய தலை முடியை வைத்து இது டோப்பா முடி என்று அஜித் ரசிகர்கள...
மனிதாபமானமா? அப்படினா என்ன பாஸ்? – சமூகம... ஸ்பைடர் படத்தின் தாக்கத்திலிருந்து... அறிமுகமில்லாத மனிதனுக்கு எதிர்பார்ப்பில்லாமல் உதவி செய்வது தான் மனிதாபிமானம் என்ற கருத்தை சமீபத்தில் வெளியாகிய ...
ஒன்றாம் வகுப்பில் மாணவனை சேர்க்க ரூ.1லட்... சென்னை அசோக்நகர் பகுதியில் உள்ள கேந்திரிய வித்யாலயா பள்ளியில் ஒன்றாம் வகுப்பில் மாணவனை சேர்க்க ரூபாய் ஒரு லட்சம் லஞ்சம் வாங்கிய பள்ளி முதல்வர் ஆனந்தனை...
ஆபாச செய்தி இணையதளங்கள் எப்படி இயங்குகின... இலக்கியம் குறித்து, விளையாட்டு குறித்து, டெக்னாலஜி குறித்து, ஆன்மீகம், சமையல், ஜோதிடம் குறித்து செய்திகள் வெளியிட தனித்தனி வெப்சைட்டுகள் உள்ளன. ஆனால் ...

Be the first to comment on "சட்டப்பேரவையில் தனிஒருவனாக தினகரன்! – ஆளுநர் உரையை புறக்கணித்து வெளிநடப்பு செய்த ஸ்டாலின்!"

Leave a comment

Your email address will not be published.


*