ரயிலில் தவறி விழுந்தவரின் உயிரைக் காப்பாற்றிய ட்வீட்

Train

மும்பையில் ரயிலிலிருந்து தவறி விழுந்த பயணி ஒருவரை ட்வீட்டர் சமூக ஊடகத்தைப் பயன்படுத்தி சக  பயணிகள் மீட்டிருப்பது பெரும் பரபரப்பை ஏற்படுத்தி உள்ளது.

சம்பவம் நடந்த டிசம்பர் 12 அன்று எப்போதும் போல, மும்பையைச் சேர்ந்த ஆகாஷ் குமார பிந்த என்ற இருபத்து மூன்று வயது டாக்சி ஓட்டுநர் தனது வீட்டிலிருந்து கிளம்பி, மதுங்கா என்ற இடத்திற்கு ரயிலில் சென்றுகொண்டிருந்தார். ரயிலின் படிக்கட்டுகளில் தொங்கிக்கொண்டே பயணம் செய்து கொண்டிருந்த ஆகாஷ், மும்ப்ரா கல்வா இடையே ரயில் சென்றுகொண்டிருந்த போது நிலை தடுமாறி ரயிலிலிருந்து கீழே விழுந்தார்.

இந்தக் காட்சியை அருகிலிருந்து பார்த்துக்கொண்டிருந்த சக பயணிகள் உடனடியாக ரயில்வே துறை அமைச்சர் பியூஷ் கோயிலுக்கு ட்வீட்டர் மூலம் தகவல் அளித்தனர். தகவலறிந்த ரயில்வே அமைச்சகம் உடனடியாக செயல்பட்டு, மும்பை தலைமை ரயில்வே நிர்வாகத்தை உஷார் படுத்தியது. இதனையடுத்து கல்வா ரயில் நிலையத்திற்குத் தகவல் அனுப்பப்பட்டு உடனடியாக கீழே விழுந்த பயணியை மீட்க ஒரு குழு தயாராக அங்கே காத்துக்கொண்டு இருந்தது.

அதற்குள்ளாகவே பாதிக்கப்பட்டவரை மீட்டப் பயணிகள் ரயிலிலேயே அவரை கல்வா ரயில் நிலையத்திற்குக் கொண்டு சென்றனர், அங்கே காத்து கொண்டிருந்த ரயில்வே ஊழியர்களைக் கொண்ட குழு அவரை மருத்துவமனைக்கு அழைத்துச் சென்றது.

சமூக ஊடகங்கள் ஏற்படுத்தும் விளைவுகள் குறித்து எதிர்மறை எண்ணங்கள் தொடர்ந்து பரப்பப்படும் இன்றைய சூழலில், இது போன்ற செய்திகள் சமூக ஊடகங்கள் மீதான நம்பிக்கைக்கு பலம் சேர்க்கின்றன.

Related Articles

251 ரூபாய்க்கு உலகின் மலிவான திறன்பேசி த... நொய்டாவை சேர்ந்த ரிங்கிங் பெல்ஸ் என்ற நிறுவனத்தின் பங்குதாரர்களில் ஒருவரான மோஹித் கோயெல் உட்பட மூன்று பேரை, கூட்டுப் பாலியல் வன்கொடுமை வழக்கில் இருந்த...
சரியான நேரத்தில் சம்பளம் தராதவர்களை என்ன... ஏழாவது சம்பள கமிஷன் என்று ஏதாதோ சொல்கிறார்கள்.  இந்த மாதிரியான திட்டத்தை கொண்டு வருபவர்களும் தெளிவாக இருப்பதில்லை, மக்களுக்கும் தெளிவாக புரிய வைப்பதில...
கர்நாடக முதல்வராகப் பதவியேற்றார் எடியூரப... இன்று (வியாழக்கிழமை) காலை ஒன்பது மணிக்குக் கர்நாடக மாநில முதல்வராகப் பதவியேற்றார் எடியூரப்பா. மிக எளிமையாக நடந்த இந்தப் பதவியேற்பு விழா அந்த நிமிடங்கள...
கொஞ்சம் நடக்க தெரிஞ்சா போதும், ஒலிம்பிக்... இரண்டு முதல் நான்கு வயதான குழந்தைகளும் கூட இனி ஒலிம்பிக் போட்டிகளில் பங்குபெறலாம். உடற்பயிற்சியையும், விளையாட்டின் மீது உள்ள ஆர்வத்தைத் தூண்டும் வகையி...

Be the first to comment on "ரயிலில் தவறி விழுந்தவரின் உயிரைக் காப்பாற்றிய ட்வீட்"

Leave a comment

Your email address will not be published.


*