பொழுதுபோக்கு பூங்காவில் இயங்கும் பந்தைய காரில் தலைமுடி சிக்கி பெண் பலி

go-kart

ஹரியானா மாநிலம் பஞ்சகுளா பகுதியில் இயங்கி வரும் ஒரு பொழுதுபோக்கு பூங்காவில் பலரையும் அதிர்ச்சிக்கு உள்ளாக்கிய சம்பவம் நிகழ்ந்துள்ளது. யதவிந்த்ரா கார்டன்ஸ் என்ற அந்தப் பொழுதுபோக்கு பூங்காவில், பதிண்டா மாவட்டத்தைச் சேர்ந்த புனித் கவுர் என்ற இருபத்து எட்டு வயது பெண் பந்தைய காரில் சென்று கொண்டிருந்த போது தனது தலைமுடி கார் சக்கரத்தில் சிக்கி பரிதாபமாக உயிரிழந்தார்.

தனது கணவர் அமர்தீப் சிங், அவர்களின் இரண்டு வயது மகன்  மற்றும் குடும்பத்தாரோடு பொழுதுபோக்கு பூங்காவிற்கு வந்த புனித் ஆறு பந்தைய கார்களை முன்பதிவு செய்திருந்தார். தனது கணவருடன் ஒரே பந்தைய காரில் செல்ல முடிவெடுத்தார் புனித். ஒரு சுற்று சுற்றி வருவதற்குள், அவரது தலைமுடி காரின் சக்கரத்தில் சிக்கியது. உடனடியாக கார் நிறுத்தப்பட்ட போதும், அதன் மிதமிஞ்சிய வேகம் காரணமாக அவரது தலைமுடி மற்றும் உச்சந்தலை தனியாக பிய்த்து எறியப்பட்டிருக்கிறது. சம்பவத்தை நேரில் பார்த்தவர்கள் அதிர்ச்சியில் உறைந்து போனார்கள்.

முதலில் தனியார் மருத்துவமனைக்குக் கொண்டு செல்லப்பட்ட புனித் பிறகு அரசு மருத்துவமனைக்குக் கொண்டு செல்லப்பட்டார். அங்கே அவர் ஏற்கனவே இறந்து விட்டதாகச் சொல்லப்பட்டது. அந்தப் பொழுதுபோக்கு பூங்காவில் பாதுகாப்பு அம்சங்களை உறுதி செய்வதற்காகவே ஒருவர் நியமிக்கப்பட்டு இருந்ததாகவும், அதையும் மீறி இந்தத் துயர சம்பவம் நிகழ்ந்துள்ளதாகவும் அந்தப் பூங்கா சார்பில் தெரிவிக்கப்பட்டது.

2013 ஆம் ஆண்டு தான் இந்தப் பொழுதுபோக்கு பூங்காவைத் தனியாருக்கு பத்து ஆண்டுகளுக்கு  ஒப்பந்த அடிப்படையில் ஹரியானா மாநில சுற்றுலாத்துறை அனுமதி அளித்திருப்பது குறிப்பிடத்தக்கது.

Related Articles

பள்ளி கல்லூரிகளில் எவிட்டாக்கள் தயாளன்கள... தமிழ் சினிமாவில் இதுவரை எப்படிப்பட்ட ஆசிரியர்களை எல்லாம் காண்பித்து இருக்கிறார்கள் என்பதை சுருக்கமாகப் பார்ப்போம். 1. தங்க மீன்கள் தங்க மீன்கள் எவிட...
எவிடென்ஸ் கதிர் எழுதிய சாதி தேசத்தின் சா... சாதியும் சாம்பல் பறவையும், சாதிக் களமாகும் பள்ளிக்கூடங்கள், அன்பினை இழக்கும் சமத்துவம், போராட்டமும் வாழ்வும், தாக்குதல்களும் சவால்களும் சாதனைகளும், நட...
“நீ பேசாம அமெரிக்காவுக்கே போயிடு ச... இயக்குநர் ஷங்கர் இயக்கத்தில் வெளியாகி மாபெரும் வெற்றிகண்ட படம் சிவாஜி. அதில் அனைத்தையும் ரஜினி இழந்த பிறகு நீ பேசாம அமெரிக்காவுக்கே போயிடு சிவாஜி என்...
கிரேஸி மோகன் இழப்பு குறித்து பிரபலங்களின... சிரிக்க வைத்ததை தவிர யாரையும் அழ வைக்காதவர், முதல்முறையாக எல்லோரையும் அழ வைத்திருக்கிறார் கிரேஸி மோகன்  நகைச்சுவை என்பது பண்படுத்தத்தானே...

Be the first to comment on "பொழுதுபோக்கு பூங்காவில் இயங்கும் பந்தைய காரில் தலைமுடி சிக்கி பெண் பலி"

Leave a comment

Your email address will not be published.


*