தனுஷ் நடிப்பில் தமிழில் மறு ஆக்கம் காண்கிறது பேட்மேன்

dhanush as padman

குறைந்த விலை சானிட்டரி நாப்கின் தயாரித்து புரட்சி செய்த அருணாசலம் முருகானந்தம் அவர்களின் கதையை தழுவி இந்தியில் எடுக்கப்பட்ட திரைப்படம் பேட்மேன். அருணாசலம் முருகானந்தம் கோயம்புத்தூரை சேர்ந்தவர். அவரது கண்டுபிடிப்பு பலரையும் ஆச்சரியத்தில் ஆழ்த்தியது மட்டுமல்லாமல் சானிட்டரி நாப்கின்களின் விலையையும் கணிசமாக குறைத்தது. அவரது கதையை கையிலெடுத்த பாலிவுட் அதில் நாயகனாக அக்சய்குமாரையும், நாயகியாக ராதிகா ஆப்தேவையும் நடிக்க வைத்தது. பேட்மேன் திரைப்படம் வெளியாகி நிறைய நேர்மறையான விமர்சனங்களையும், பாராட்டுகளையும் குவித்த வண்ணம் இருக்கிறது. வசூல் ரீதியாகவும் பேட்மேன் திரைப்படம் சாதனைச் செய்துள்ளது.

தமிழர் ஒருவரின் கதையை முதன்முதலில் நாம் எடுக்காமல் பாலிவுட் முந்திக்கொண்டதே என்ற வருத்தத்தில் இருப்பவர்களுக்காக ஒரு நல்ல செய்தி. இந்தியில் பேட்மேன் திரைப்படத்தை தயாரித்த கொலம்பியா பிக்சர்ஸ் நிறுவனம், தமிழில் இத்திரைப்படத்தை மறு ஆக்கம் செய்ய பெரிதும் விருப்பம் கொண்டுள்ளது. கதையின் நாயகனாகத் தமிழில் தனுஷ் நடிக்க இருப்பதாகச் செய்திகள் வெளியாகி இருக்கின்றன. ஏற்கனவே தனுஷ் மாரி 2 , என்னை நோக்கிப் பாயும் தோட்டா மற்றும் ஹாலிவுட்டில் அவர் நடித்து வரும் ‘தி எக்ஸ்ட்ராடினரி ஜர்னி ஆப் பகிர்’ போன்ற திரைப்படங்களில் ஓய்வில்லாமல் நடித்து வருகிறார். இப்படங்களில் நடித்து முடித்த கையோடு பேட்மேன் திரைப்படத்தின் தமிழ் ஆக்கம் குறித்த அறிவிப்பை அதிகாரப்பூர்வமாக அறிவிப்பார் என்று எதிர்பார்க்கப் படுகிறது.

தமிழ் மண்ணின் நிஜ நாயகன் ஒருவரின் கதையை திரையில் தமிழில் காணத் தமிழ் ரசிகர்கள் காத்துக்கொண்டு இருக்கிறார்கள்.

Related Articles

தமிழ் சினிமாவில் காட்டப்பட்ட நிஜமான நம் ... நூறு ஆண்டுகால பெருமை வாய்ந்த இந்த சினிமா உலகம் இந்த உலகில் உள்ள அத்தனை பெண்களின் இயல்பையும் தன்மையையும் விதவிதமாக காட்டியிருக்கிறது. ஆனால் வறுமையி...
மூன்றாம் பாலினத்தர்வகளுக்கான முதல் பள்ளி... பாகிஸ்தானில் மூன்றாம் பாலினத்தவர்களுக்கான முதல் பள்ளி கடந்த திங்கட்கிழமை முதல் செயல்பட்டு வருகிறது. தி ஜெண்டர் கார்டியன்(The Gender Guardian) என்று பெ...
சதுரங்க வேட்டைப் பட பாணியில் டெல்லி தொழி... அறிவியல் ஆராய்ச்சிக்குத் தேவைப்படும் உலோக தகட்டை விற்க இருப்பதாகச் சொல்லி, டெல்லி தொழிலதிபரிடம் 1.43 கோடி வாங்கி ஏமாற்றிய தந்தை, மகன் கைது செய்யப்பட்ட...
கமல்ஹாசனை காலி செய்யணும்! – வைகோ, ... கடந்த டிசம்பர் 31ம் தேதி ரஜினியின் அரசியல் அறிவிப்பு முதல் தொடங்கியது இந்த ஆண்டிற்கான பரபரப்பு பையர். அன்று முதல் இம்மியளவும் பரபரப்புக்கு பஞ்சமில்லை....

Be the first to comment on "தனுஷ் நடிப்பில் தமிழில் மறு ஆக்கம் காண்கிறது பேட்மேன்"

Leave a comment

Your email address will not be published.


*