அப்துல்கலாம் பெயரை வைத்து அரசியல் செய்யாதீங்க!

kamal-politics-starts-from-abdul-kalam-house

மற்றவரின் புகழை வைத்து அரசியலை செய்வது இன்றைக்கு வழக்கமாகிவிட்டது. எங்கள் ஆட்சி, அண்ணா ஆட்சி என்றும் , எம்.ஜி.ஆர் ஆட்சி என்றும், காமராசரை மிஞ்சிய ஆட்சி என்றும் பெருமை பேசி முன்னோர்களின் புகழை வைத்து அரசியல் செய்துகொண்டிருக்கிறார்கள். அதன் தொடர்ச்சியாக மறைந்த முதல்வர் செல்வி ஜெ ஜெயலலிதாவின் இறுதி ஊர்வல மாதிரியை வைத்தும், அப்பல்லோவில் அவர் சிகிச்சை பெற்று வந்த சர்ச்சைக்குள்ளான வீடியோ ஆதாரங்களை வைத்தும் கேவலமான அரசியல் நாடகம் அரங்கேறியது. இது ஒருபுறம் இருக்க, இன்னொரு பக்கம் அப்துல்கலாம் பெயரை பயன்படுத்தி அரசியல் செய்ய தொடங்கிவிட்டார்கள்.

இந்த அரசியல் பயணம்,அப்துல்கலாம் மறைவின்போதும், அப்துல்கலாம் நினைவு மண்டபம் திறப்பு விழாவின் போதும் தொடங்கியது. அவர் மறைந்த சில நாட்களில் அவருடைய பெயரில் கட்சி தொடங்க இருந்தது. ஆனால் அதற்கு கலாமின் குடும்ப உறுப்பினர் இடம் கொடுக்கவில்லை. அடுத்ததாக அவர் சிலை அருகே, திருக்குறள் தான் இருக்க வேண்டும், குர்ஆன் தான் இருக்க வேண்டும், பைபிளும் பகவத்கீதை இருந்தால் தப்பில்லை என்றும் ஆளாளுக்கு மோதிக்கொண்டு, புனிதமான இடத்திலும் கேவலமான செயல்களை செய்யத் தொடங்கினர். அதன் தொடர்ச்சியாக பலரும் பலவிதமாக அவருடைய பெயரை பலவிதமான செயல்களுக்கு பயன்படுத்துவது பலர் மனதை புண்படுத்துவது மட்டுமின்றி அப்பழுக்கற்ற கலாமை அவமதிப்பதாகவே அமைகிறது. கலாமின் பெயரில் இயங்கும் ஒருசில இயக்கங்கள் ஆக்கபூர்வமான பணியை செய்தபோதிலும், பல நிறுவனங்கள் வெளியே கலாம் பெயரை வைத்துக்கொண்டு உள்ளே மோசடி வேலை செய்து வருகிறது. இவற்றை அறவே தடுக்க வேண்டும்.

இப்போது இந்த வரிசையில் நடிகர் கமல்ஹாசனும் இணைந்துவிடுவாரோ என்ற அச்சமும் எழுந்துள்ளது. கமல் நேர்மையான மனிதர் என்று பலரால் பாராட்டப் பெற்றாலும், அவர் அப்துல்கலாமை பின்பற்றுபவராக இருந்தாலும், அப்துல்கலாமின் மறைவின் போது மனமுருகி நீண்ட கவிதை எழுதியிருந்தாலும், வருகிற பிப்ரவரி 21ம் தேதி கலாம் வாழ்ந்த இராமநாதபுர இல்லத்திலிருந்து என் அரசியல் பயணத்தை தொடங்குவேன் என்று கூறியிருப்பதை பலர் ஏற்கத்தயாராக இல்லை. எதிர்ப்புகள் தான் குவிந்து வருகிறது. கமலின் நோக்கம் நல்லதாக இருந்தாலும், நாளைக்கு வருகிற போகிற தராதரமற்ற மனிதர்கள் எல்லாம் [ கவண் படத்தில் வந்த “புறா”நானூறு  அமைச்சர்கள் போல சில மனிதர்கள் ]  கமலை சுட்டிக்காட்டி, கலாம் பெயரை பயன்படுத்தி அரசியல் செய்யத் தொடங்கிவிடுவார்கள் என்பதே சமூக வலைத்தளங்களில் எதிர்ப்பு தெரிவிப்பவர்களில் பெரும்பாலானவர்களின் கருத்தாக இருக்கிறது.

Related Articles

13 years of சித்திரம் பேசுதடி – மா... வேலையில்லாத இளைஞன் செக்யூரிட்டி வேலைக்குச் சேர முயல்கிறான். அந்த சமயத்தில் ரௌடியின் மகனை நாயகன் இக்கட்டான சூழலிலிருந்து காப்பாற்ற, ரௌடியிடம் நாயகனுக்க...
இலங்கையில் சமூக வலைதளங்கள் முடக்கம் செய்... இலங்கையில் மதக்கலவரம் நடந்து வருவதையடுத்து அதை தடுக்கும் வகையில் பேஸ்புக், வாட்ஸப் உள்ளிட்ட சமூக வலைதளங்கள் முடக்கம் செய்யப்பட்டுள்ளன.இலங்கையில் ...
“யாருங்க அந்த அட்மின்? எனக்கே பாக்... திரிபுராவில் பாஜக வெற்றி பெற்றதையடுத்து அங்கு இருந்த லெனின் சிலையை அகற்றினார்கள் அங்கிருந்த பாஜக ஆதரவாளர்கள். உடனே சூட்டோடு சூடாக நாளை தமிழகத்திலும் ...
சர்க்கரை நோயிலிருந்து தப்பிப்பது எப்படி?... நாகரிக மனிதனுக்கு வரக்கூடிய நோய்களும் அதற்கான காரணங்களும் தீர்வுகளும் பற்றி பார்ப்போம். மற்ற மேலைநாடுகளைப்போல இந்தியாவிலும் அதிவேகமாக சர்க்கரை, ரத...

Be the first to comment on "அப்துல்கலாம் பெயரை வைத்து அரசியல் செய்யாதீங்க!"

Leave a comment

Your email address will not be published.


*