டெல்லி – மீரட் இடையே இந்தியாவின் முதல் 14 லேன்(Lane) திறக்கப்பட்டது

டெல்லியில் இருந்து உத்தர பிரதேச மாநிலம் மீரட்டுக்கு செல்லும் அதிவேக சாலை பிரதமர் மோடியால் திறந்துவைக்கப்பட்டது. 149 கிலோ மீட்டர்கள் தொலைவு உள்ள இந்த இரு நகரங்களையும் இணைக்கும் திட்டம் 11000 கோடி செலவில் அமைக்கப்பட்டு இருக்கிறது. இந்தியாவின் முதல் 14 வழிப்பாதை என்ற பெருமையை இந்த வழித்தடம் பெற்றிருக்கிறது. 30 மாதங்களில் முடியும் என்று எதிர்பார்க்கப்பட்ட இந்தத் திட்டம் 18 மாதங்களிலேயே முடிக்கப்பட்டு இருக்கிறது. மணிக்கு 120 கிலோ மீட்டர்கள் வரைக்கும் இந்தச் சாலையில் செல்லலாம், இதனால் நாற்பத்து ஐந்து நிமிடங்களில் செல்லக்கூடிய தூரத்தை எட்டு நிமிடங்களில் செல்லலாம்.

841 கோடி செலவில் முதல் அலகான டெல்லி – மீரட் அதிவேகப்பாதை போட்டு முடிக்கப்பட்டு இருக்கிறது. மீரட் வரையிலும் ஆறு வழிப்பாதையாக்கவும், அதன்பிறகு எட்டு வழிப்பாதையாக்கவும் வடிவமைக்கப்பட்டு இருக்கிறது. சைக்கிளில் செல்பவர்களுக்காக 2.5 மீட்டர்களுக்கு தனியொரு தடமும், நடந்து செல்பவர்களுக்காக 1.5 மீட்டர்களுக்கு தனியொரு தடமும் வடிவமைக்கப்பட்டு இருக்கிறது. வழித்தடம் முழுவதும் சூரிய மின் விளக்குகளும், மழை நீர் சேகரிப்பு வசதிகளும் செய்யப்பட்டு இருக்கின்றன.

 

பல்வேறு வசதிகளைக் கொண்ட தேசிய நெடுஞ்சாலை

இந்தத் திட்டம் முழுவதுமாக நிறைவேறும் பட்சத்தில் தற்போது டெல்லி – மீரட் இடையேயான பயண தூரமான 4 – 5 மணி நேரம் என்பது குறைந்து 45 நிமிடங்களில் போய் சேரலாம் என்ற நிலை வரும். மேம்பட்ட போக்குவரத்து மேலாண்மை அமைப்புகள் மற்றும் சிசிடிவி கேமராக்கள் மூலம் தொடர்ந்து இந்த வழித்தடம் கண்காணிக்கப்படும்.

இந்தத் திட்டத்தினால் டெல்லியின் மாசு அளவு 27 சதவீதம் வரைக்கும் குறையும் என்று எதிர்பார்க்கப்படுகிறது. மேலும் சூரிய மின் சக்தி விளக்குகள் மற்றும் மழைநீர் சேகரிப்பு வசதிகொண்ட ஒரே தேசிய நெடுஞ்சாலை என்ற பெருமையை இந்த வழித்தடம் பெறும்.

ஜம்மு காஷ்மீர், பஞ்சாப், ஹரியானா, உத்தரகண்ட், உத்திரப் பிரதேசம் மற்றும் ராஜஸ்தான் ஆகிய மாநிலங்களுக்குச் செல்லும் 50000  வாகனங்களை நாளொன்றுக்கு டெல்லியில் இருந்து  அனுப்பும் வகையில் இத்திட்டம் செயல்படுத்தப்படும். அப்படிச் செய்யும் அச்சத்தில் பெருமளவில் மாசு குறையும்.

Related Articles

கர்ப்பிணி இறப்புடன் தொடங்கியது உலக மகளிர... திருச்சியில் டிராபிக் போலீஸ் காமராஜ் என்பவர் ஹெல்மெட் அணியாமல் வந்த தம்பதியினரை வாகனத்துடன் எட்டி உதைக்க, கர்ப்பிணி பெண் ஒருவர் உயிரிழந்துள்ளார். உலக...
ஐடி துறை பெண்கள் கலாச்சார சீரழிவுக்கு மு... ஐடி துறையில் பணியாற்றும் பெண்களின் குறைகள் என்னென்ன என்று பார்த்தால் அதை இந்த பொது சமூகம்  எண்ணிக்கையே இல்லாமல் தன் இஷ்டத்திற்கு அடுக்கிக் கொண்டே போகி...
பிரெய்லி வடிவ புத்தகமாகத் திருக்குறள் வெ... மதுரை ஒத்தக்கடையைச் சேர்ந்த ராம்குமார் என்ற பார்வையற்ற வக்கீல் திருக்குறளை தமிழ் மற்றும் ஆங்கில மொழியில் பிரெய்லி வடிவில் வெளியிட வேண்டுமென்று மதுரை ஐ...
வெறும் கையால் கழிப்பறையைச் சுத்தம் செய்த... அரசியல்வாதிகளின் கரங்கள் கறை படியாதிருத்தல் அறம். ஆனால் மற்றுமொரு அரசியல்வாதியின் கரங்களில் கறை பட்டிருக்கிறது. இம்முறை நேர்மறையாக. மத்திய பிரதேசம் ரே...

Be the first to comment on "டெல்லி – மீரட் இடையே இந்தியாவின் முதல் 14 லேன்(Lane) திறக்கப்பட்டது"

Leave a comment

Your email address will not be published.


*