ஐஎஸஐஸ் தீவிரவாத அமைப்பால் கொல்லப்பட்ட 39 இந்தியர்களின் உடலைக் கண்டுபிடிக்க உதவிய ரேடார்கள்

How radars unearthed 39 Indians killed in Iraq by ISIS

2014 ஆம் ஆண்டு இராக்கில் காணாமல் போன 39 இந்தியர்களை மீட்கும் முயற்சியின் ஒரு
பகுதியாக முன்னாள் இராணுவ தளபதிக்கும், மத்திய அமைச்சர் ஜெனரல் விகே சிங்குக்கும் சில
தகவல்கள் கிடைக்கின்றன. அதன்படி பதூஷ் நகரில் இரண்டு திட்டு போன்ற அமைப்புகள் காண
படுவதாகவும், அதில் ஏதோ புதையுண்ட நிலையில் இருப்பதாகவும் தெரிய வருகிறது.

திட்டைத் தோண்டும் முயற்சி

ஈராக்கிய படைகள் உள்ளடக்கிய இந்திய அணிக்குத் தலைமை ஏற்ற அமைச்சர் சிங் அந்தத்
திட்டை தோண்ட முடிவு செய்தார். 2014 ஆம் ஆண்டு இராக் மற்றும் சிரியாவின் பெரும் பகுதிகள்
ஐஎஸஐஸ் தீவிரவாத அமைப்பின் கட்டுப்பாட்டின் கீழ் இருந்தன. அவர்கள் சிறைப்படுத்தி
வைத்திருந்தவர்களின் எச்சங்கள் கிடைக்கின்றனவா என்ற நோக்கில் திட்டு தோண்டப்பட்டது.

‘ஆரம்பத்தில் திட்டு தோண்டப்பட்ட போது ஆண்கள் கையில் அணியும் வளையமும் நீண்ட தலை
முடியும் கிடைத்தன. அதை முதன் முதலில் பார்த்த போது பஞ்சாபை சேர்ந்தவர்களாக இருக்கலாம் என்று ஊகித்தோம்’என்று அமைச்சர் சிங் தெரிவித்தார்.

மனித உடல்கள் தென்படுகின்றனவா என்பதை அறியத் தொடர்ந்து தோண்டும் படலம்
நடைபெற்றது. முதலில் கண்டெடுத்த இந்தியர் பஞ்சாபை சேர்ந்த சந்தீப் குமார் ஆவார்.
கைப்பற்றப்பட்ட எஞ்சியவர்களின் உடல்கள் டிஎன்ஏ பரிசோதனையின் மூலம் அடையாளம்
காணப்பட்டது. பாக்தாத் நகரில் உள்ள தடயவியல் ஆய்வகங்கள் என்னும் இடத்தில் இந்தப்
பரிசோதனைகள் நடைபெற்றன. முன்னரே இந்திய அதிகாரிகள் தேடப்படும் இந்தியர்களின்
மாதிரிகளை அனுப்பி வைத்திருந்தனர். பரிசோதனையில் உறுதி செய்யப்பட்ட பிறகே இறந்த
இந்தியர்களின் குடும்பங்களுக்கு தகவல் தெரிவிக்கப்பட்டது.

ஜூன் 2014 ஆம் ஆண்டு, பஞ்சாபில் இருந்து கட்டுமான வேலைக்காக ஈராக்கிற்கு வந்த நாற்பது
தொழிலாளிகள் உடனான தொடர்பை ஈராக்கில் இருக்கும் இந்திய அதிகாரிகள் இழந்தனர்.
அவர்கள் அரசாங்க கட்டுமான திட்டம் ஒன்றில் வேலை செய்து கொண்டிருந்தனர்.அவர்கள்
அனைவரையும் ஐஎஸ்ஐஎஸ் தீவிரவாத அமைப்பினர் கடத்தி சென்றனர். அவர்களோடு சில
வங்கதேச தொழிலாளர்களையும் கடத்திச் சென்றனர். கடத்திச்செல்லப்பட்ட வங்கதேச
தொழிலாளர்கள் அனைவரையும் விடுவித்தது அந்த அமைப்பு. ஹர்ஜீத் மாசி என்ற இந்தியர்
ஒருவர் மட்டும் அங்கிருந்து தப்பித்து வெளியுறவுத் துறை அமைச்சர் சுஷ்மா சுவராஜிற்கு தகவல்
தெரிவித்தார்.

ஐஎஸ்ஐஎஸ் தீவிரவாத அமைப்புக்கும், ஈராக்கிய படைகளுக்கும் இடையே நடந்த சண்டையின்
போது, பதூஷ் சிறைச்சாலை முழுவதும் அழிக்கப்பட்டது. பாக்தாத் அரசு சிறையில் யாரும்
இல்லை என்று அறிவித்தது. கடந்த ஆண்டு வரை அங்கிருந்த இந்தியர்களைப் பற்றி எந்தத்
தகவலும் ஈராக்கிய அரசிடம் இல்லை.அவர்கள் உயிருடன் இருக்கிறார்களா இல்லையா என்பது
கூட தெரியாமல் தான் இருந்தது.

சுட்டுக் கொல்லப்பட்ட இந்தியர்கள்

பாதுஷ் நகரைப் பிடித்த உடன் இந்தியர்கள் அனைவருமே ஐஎஸ்ஐஎஸ் தீவிரவாத
அமைப்பினரால் சுட்டு கொல்லப்பட்டு இருக்கிறார்கள் என்ற தகவலை தப்பித்து வந்த சுர்ஜித்
மாசி தெரிவித்தார். அப்போது அவர் கூற்றை இந்திய அரசாங்கம் ஏற்கவில்லை, ஏனெனில்
அப்போது இந்தியர்கள் உயிருடன் தான் இருக்கிறார்கள் என்ற தகவல் இந்திய அரசாங்கத்துக்கு
வந்து கொண்டிருந்தது.

பல இன்னல்களுக்குச் சகித்து கொண்டு, இறந்த இந்தியர்களை தங்களது தொடர் தேடுதலின்
மூலம் கண்டுபிடித்த அமைச்சர் சிங் மற்றும் அவரது குழுவினருக்கு பாராட்டுக்கள்.

Related Articles

அறம் திரைப்பட வசனங்கள் ஒரு பார்வை!... நயன்தாராவின் சினிமா வாழ்க்கையில் மிக முக்கியமான திரைப்படம் "அறம்". அந்தப் படம் ரிலீசான சமயத்தில் அந்தப் படத்தின் வசனங்கள் மிகப் பெரிய அளவில் கவனம் பெற...
உங்களுக்கு குறும்படங்கள் பார்ப்பதில் ஆர்... கடந்த சில நாட்களாகவே சமூக வலைதளங்களில் சில குறும்படங்கள் பற்றிய மீம்கள் வந்து கொண்டிருக்கிறது. அந்தக் குறும்படங்கள் எங்கே உள்ளது என்று தேடிய போது அவை ...
ராமேஸ்வரமும் தமிழ் சினிமாவும்! – ... ராமேஸ்வரம் மண்ணுக்கு என்று தனிச் சிறப்புகள் உள்ளன. அவற்றின் தனிச் சிறப்புகள் என்று பட்டியலிட்டால் கிட்டத்தட்ட ஒரு புத்தகமே எழுதலாம். அப்படிப்பட்ட ராமே...
கப்பலில் 60000 யானைகளை ஏத்திட்டு போய் போ... கப்பலில் 60000 யானைகளை ஏத்திட்டு போய் போர் செஞ்சாங்க என் முன்னோர்கள் என்று சீமான் சமீபத்தில் சொன்னதை அடுத்து அது எப்படி வாத்தியாரே அறுபதாயிரம் யானையைக...

Be the first to comment on "ஐஎஸஐஸ் தீவிரவாத அமைப்பால் கொல்லப்பட்ட 39 இந்தியர்களின் உடலைக் கண்டுபிடிக்க உதவிய ரேடார்கள்"

Leave a comment

Your email address will not be published.


*