வெறும் கையால் கழிப்பறையைச் சுத்தம் செய்த பாஜக எம்பி

அரசியல்வாதிகளின் கரங்கள் கறை படியாதிருத்தல் அறம். ஆனால் மற்றுமொரு அரசியல்வாதியின் கரங்களில் கறை பட்டிருக்கிறது. இம்முறை நேர்மறையாக. மத்திய பிரதேசம் ரேவா தொகுதி பாஜக எம்பி ஜனார்தன் மிஸ்ரா எந்தவொரு உபகரணங்களும் இல்லாமல் தனது தொகுதிக்கு உட்பட்டிருக்கும் பள்ளிக்கூடம் ஒன்றின் கழிப்பறையை சுத்தம் செய்துள்ளார். மண் அடைப்பால்  பல நாட்கள் பயன்பாடின்றி இருந்த அந்தக் கழிப்பறையை ஜனார்தன் சுத்தம் செய்த காணொளி செய்தி ஊட்டங்களில் வெளிவந்து மிக வேகமாகப் பரவி வருகிறது. டிவிட்டரில்  வெளியான சில மணி நேரங்களிலேயே 30000 பார்த்துள்ளனர், 3000 பேர் விருப்ப குறி இட்டிருக்கின்றனர் . 1600 முறை மறு ட்வீட்  செய்யப்பட்டிருக்கிறது. பிரதமரின் ஸ்வச் பாரத் திட்டத்தின் தீவிர ஆதரவாளர் ஜனார்தன் மிஸ்ரா என்பது குறிப்பிடத்தக்கது.