ஜெய் பீம் ராஜாகண்ணு மனைவிக்கு அரசாங்கம் வீடு கட்டி தராதா?

Will the government build a house for Jai Bhim Rajakannu's wife_

ஜெய் பீம் படம் பார்த்துவிட்டு ராகவா லாரன்ஸ் செய்த நல்ல காரியம் என்று தான் முதலில் தலைப்பு வைக்க தோன்றியது. ஆனால் மாற்றிவிட்டோம். சின்ன கட்டுரை தான் பொறுமையாக படிக்கவும். 

தமிழ் சினிமாவின் மிக முக்கியமான நடனக் கலைஞர்களில் ஒருவர் ராகவா லாரன்ஸ். இவர் நடனம் மற்றும் இல்லாமல் இயக்கம் நடிப்பு ன்று பல துறைகளில் வித்தைக்காரராக இருக்கிறார். இவருடைய இயக்கத்தில் வெளியான முனி, காஞ்சனா, காஞ்சனா பாகம் 2 ஆகிய படங்கள் மக்களிடையே நல்ல வரவேற்பைப் பெற்றன. இதனால் ராகவா லாரன்ஸுக்கு மக்களிடையே தனி மதிப்பு உண்டு.

 அவர் தன்னுடைய சொந்த தாய்க்கு கோயில் கட்டி வணங்கி வருகிறார் என்பது அனைவருக்கும் தெரிந்த விஷயமே. அதுமட்டுமின்றி தன்னுடைய அன்பு இல்லத்தில் வசிக்கும் ஊனமுற்ற குழந்தைகளை அவர் சிறப்பாக கவனித்து வருகிறார்.  நிறைய ஊனமுற்ற சிறுவர் சிறுமிகளை இளைஞர்களை அவர் திறமைசாலிகளாக பல மேடைகளில் அரங்கேற்றியுள்ளார். நிறைய ஊனமுற்றவர்கள் தங்களது நடனத் திறமையை காட்டி பலரிடம் பாராட்டு பெற்று இருக்கிறார்கள். அப்படி நல்ல மனம் கொண்ட ராகவா லாரன்ஸ் ஜெய் பீம் படம் பார்த்துவிட்டு நிஜ செங்கேணிக்கு ஒரு உறுதியை கொடுத்துள்ளார்.

 ஜெய்பீம் படத்தில் கதையின் நாயகன் நாயகியாக ராஜாக்கண்ணு மற்றும் செங்கேணி என்பவர்கள் காட்டப்பட்டார்கள்.  அந்த படத்தில் எந்த குற்றமும் செய்யாத ராஜா கண்ணு என்பவரை போலீஸ்காரர்கள் அழைத்துச் சென்று பொய் கேஸ் போட்டு அடித்தே கொன்றுவிடுவார்கள். அதனை எதிர்த்து அவருடைய மனைவி செங்கேணி வழக்கு தொடுத்து வெற்றி காண்பார். இதை ஜெய்பீம் படத்தின் மையக் கருத்தாக வைத்து இருந்தார்கள்.  இவர்களின் கதை, படமாக பார்த்த மக்களிடையே பெரிய மனமாற்றத்தை பெரிய மன வலியை உண்டாக்கி உள்ளது என்று கூறலாம்.  அதுமட்டுமின்றி இந்த படத்தில் வழக்கறிஞராக நடித்த நடிகர் சூர்யா இருளர் இன மக்களுக்கு ரூபாய் ஒரு கோடி ரூபாயை நன்கொடையாக கொடுத்துள்ளார். 

 அவரைத் தொடர்ந்து நடிகர் ராகவா லாரன்ஸ் ராஜாக்கண்ணு மனைவி பார்வதி என்பவருக்கு தன்னுடைய செலவில் சொந்தமாக ஒரு வீடு கட்டித் தருகிறேன் என்று உறுதிமொழி கொடுத்துள்ளார். இது மக்களிடையே நல்ல வரவேற்பை பெற்றுள்ளது. ராகவா லாரன்சை பலரும் பாராட்டி வருகின்றனர். ராகவா லாரன்ஸ் இப்படி கூறியிருக்கிறார் என்ற போதிலும் சூர்யா கொடுத்த ஒரு கோடி ரூபாய் என்ன ஆனது என்றும் ஜெய்பீம் படத்தில் காட்டப்பட்டது போல் நிஜத்தில் ராஜா கண்ணுவின் மனைவிக்கு ஏன் வீடு கட்டித் தரவில்லை அரசாங்கமே இதை செய்யாதா என்றும் பலரும் கேள்வி எழுப்பி வருகின்றனர்.

Related Articles

தகாத உறவு குற்றமில்லை என சுப்ரீம் கோர்ட்... தலைமை நீதிபதி  உத்தரவு: இந்த வருடத்தில் இரண்டு மிக முக்கிய சட்டங்கள் ரத்து செய்யப்பட்டு உள்ளது. அதில் ஒன்று ஓரினச் சேர்க்கையாளர்களுக்கான சுதந்திரத்தை...
உலக சினிமா இயக்குனர்களும் அவர்களின் படங்... 1. The Children of heaven (1997) படத்தை இயக்கியவர் - Majid majidi  இவரது பிற படங்கள்: Kashmir Afloat (2008)(announced) Weeping willow (2005)...
பிரபல யூடியூப் சேனல்கள் வைக்கும் தலைப்பை... கடந்த  நான்கு வருடங்களாக தான் இந்த யூடியூப் உலகம் இவ்வளவு பிரபலமாக இருக்கிறது.  அப்போது முதல் இப்போது வரை ஒரே ஒரு விஷயம் மட்டும் மாறவே இல்லை.  அது என்...
ஆதார் இணைக்கக் கால கெடு நீட்டிப்பு. தீர்... மார்ச் 31 ஆம் தேதிக்குள் மொபைல் எண்கள் மற்றும் வங்கி கணக்கு ஆகியவற்றோடு கட்டாயம் ஆதார் காரடையும் இணைக்க வேண்டும் என்ற கால கெடுவை மறு உத்தரவு வரும் வர...

Be the first to comment on "ஜெய் பீம் ராஜாகண்ணு மனைவிக்கு அரசாங்கம் வீடு கட்டி தராதா?"

Leave a comment

Your email address will not be published.


*