மெல்போர்னில் நடக்கவிருக்கிறது உலகக் கோப்பை டி20யின் இறுதிப்போட்டி

icc world cup

2020 ஆம் ஆண்டு நடக்கவிருக்கும் டி20 உலகக் கோப்பை கிரிக்கெட் போட்டிகளின் இறுதி ஆட்டம் மெல்போர்ன் நகரில் நடத்தத் திட்டமிடப்பட்டிருக்கிறது. போட்டிகள் நடைபெறும் இடங்கள் மற்றும் அது தொடர்பான விவரங்கள் வெளியிடப்பட்டு இருக்கின்றன.

ஆண்கள் மற்றும் பெண்களுக்கான டி20 உலகக்கோப்பை கிரிக்கெட் போட்டிகளை ஒரே ஆண்டில், ஒரே நாடு நடத்துகிறது என்ற பெருமையை ஆஸ்திரேலியா பெற்றுள்ளது. இந்த கிரிக்கெட் போட்டிகளை நடத்துவதற்காக எட்டு நகரங்கள் தேர்வு செய்யப்பட்டுள்ளன. அவை முறையே அடிலெய்டு, பிரிஸ்பேன், கேன்பெரா, கீலோங், ஹோபார்ட், மெல்போர்ன், பெர்த் மற்றும் சிட்னி ஆகும்.

2015 ஆண்டு நடந்த டி20 கிரிக்கெட் போட்டிகளின் இறுதி ஆட்டம் மெல்போர்ன் நகரத்தில் நடந்தது. இந்த முறை ஆண்கள் மற்றும் பெண்களுக்கான டி20 உலகக்கோப்பை கிரிக்கெட் போட்டிகளின் இறுதி ஆட்டங்களை மெல்போர்ன் நகரம் நடத்த இருக்கிறது.

டி20 பெண்கள் கிரிக்கெட் பிப்ரவரி 21 ஆம் தேதி தொடங்கி மார்ச் 8 ஆம் தேதி நிறைவு பெறுகிறது. டி20 ஆண்கள் கிரிக்கெட் அக்டோபர் 18 ஆம் தேதி தொடங்கி நவம்பர் 15 ஆம் தேதி நிறைவு பெறுகிறது. பெண்கள் சார்பாக பத்து அணிகளும், ஆண்கள் சார்பாக 16 அணிகளும் போட்டியில் பங்கு கொள்கின்றன.

ஆஸ்திரேலியா கிரிக்கெட் வாரியத்தின் தலைவர் இது தொடர்பாக பேசும்போது ‘டி20 உலகக் கோப்பை கிரிக்கெட் போட்டிகளை  நடத்துவதில் ஆஸ்திரேலியா பெரும் பெருமை கொள்கிறது. டி20 கிரிக்கெட்டைப் பொறுத்தமட்டில் ஆண்களை விடவும் பெண்கள் மிகச் சிறப்பாக செயல்பட்டு வருகிறார்கள். அவர்கள் மூன்றுமுறை உலக அளவிலான பட்டங்கள் வென்றுள்ளனர்’ என்று தெரிவித்தார். போட்டிகள் குறித்த முழு விவரங்கள் கூடிய விரைவில் வெளியிடப்படுகின்றன.

Related Articles

மக்ஸிம் கார்க்கியின் பொன்மொழிகள்!... ஒவ்வொன்றுக்கும் அளவுண்டு, தானத்திற்கு மட்டுமே அளவில்லை. ஆசை பேராசையாக மாறும்போது அன்பு வெறியாக மாறும்போது அங்கே அமைதி நிற்காமலே விலகிச் சென்றுவ...
ஹர்பஜனுக்கு தமிழ் கற்றுக்கொடுக்கும் சின்... கடந்த சில நாட்களாகவே சுழற்பந்து வீச்சாளர் ஹர்பஜன் சிங் தமிழில் டுவீட் செய்து வருகிறார். அவருடைய தமிழ் ஆர்வத்தை வைத்தும் லொள்ளு நெட்டிசன்கள் மீம் போட ...
விஜயசேதுபதியிடம் இருந்து கற்றுக்கொள்ளுங்... 96 என்ற படத்தின்  கலந்துரையாடல் பா. ரஞ்சித்தின் கூகை நூலகத்தில் நடந்தது. அந்தக் கலந்துரையாடலில் நடிகர் விஜய் சேதுபதி, இயக்குனர் பிரேம்குமார், இளம் நடி...
மாணவ மாணவிகளுக்கு மாக்ஸிம் கார்க்கி எழுத... உலக அளவில் பள்ளி கல்லூரி மாணவ மாணவிகளுக்கு போராளிகள் பலர் கடிதம் எழுதி உள்ளனர். அதே போல காந்தி, நேரு, அண்ணா, அப்துல்கலாம் என்று பலர் கடிதம் எழுதி உள்ள...

Be the first to comment on "மெல்போர்னில் நடக்கவிருக்கிறது உலகக் கோப்பை டி20யின் இறுதிப்போட்டி"

Leave a comment

Your email address will not be published.


*